“சுபர் முஸ்லிம் சிந்தனை” தொடர்பான அகில இலங்கை ஜம்இய்யத்துல் உலமாவின் பத்வா

 

1442.02.20

2020.10.08

 

Ash Sheikh U.L.S Hameed Hami,

Secretary,

ACJU Kalmunai Branch,

462/A, Mosque Road,

Kalmunai.

 

அஸ்ஸலாமு அலைக்கும் வறஹ்மத்துல்லாஹி வபறகாத்துஹூ

 

பதில் : எல்லாப் புகழும் வல்ல அல்லாஹ்வுக்கே. சலாத்தும், சலாமும் அவனின் இறுதித் தூதர் முஹம்மத் ஸல்லல்லாஹூ அலைஹி வஸல்லம் அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!

 

உங்களது கடிதத்தில் தெளிவு கேட்டிருக்கும் விடயங்கள் மறுமைநாள் நெருங்கும் போது நடைபெறும் நிகழ்வுகளுடன் தொடர்புடையவையாக உள்ளன.

 

பொதுவாக அல்குர்ஆனிலும் ஸுன்னாவிலும் மறுமைநாளின் அடையாளங்களில், சில அடையாளங்கள் மிகத்தெளிவாகவும் மற்றும் சில அடையாளங்கள் சுருக்கமாகவும் கூறப்பட்டுள்ளன. அவை எவ்வாறு கூறப்பட்டுள்ளனவோ அவற்றை அவ்வாறே நம்பி, ஏற்றுக் கொள்வது போதுமானதாகும். நபி ஸல்லல்லாஹூ அலைஹி வஸல்லம் அவர்களுடன் தோழமை கொண்டிருந்த சஹாபாக்கள், அவர்களைத் துயர்ந்தவர்கள் மற்றும் இமாம்கள் போன்றோர் அவற்றை  அவ்வாறே  நம்பி  செயலாற்றியுள்ளதுடன்,  மற்றவர்களுக்கு  போதனை செய்தும் வந்துள்ளனர். 1400 வருடங்களுக்கும் மேலாக பாதுகாக்கப்பட்டு வந்த இந்த அடிப்படையை வெறுமனே பகுத்தறிவுக்கு உட்படுத்தி இஸ்லாமிய மூலாதாரங்களுக்கு அப்பால் ஒரு தனிநபரின் சிந்தனைக்கு தோன்றிய விடயங்களை மார்க்கமாக ஆக்கி, பிரசாரத்தில் ஈடுபட்டு இஸ்லாத்தில் சந்தேகங்களை ஏற்படுத்துவது பெரும்பாவமாகும்.

 

நீங்கள் குறிப்பிட்டுள்ள கேள்விகளை நோக்கும் போது, ஷைக் இம்ரான் ஹுஸைன் (வெளிநாட்டைச் சேர்ந்த ஒருவர்) என்பவரது சிந்தனைப் போக்கைத் தழுவியவர்களது வினாக்களாகவே தென்படுகின்றன. இவரது கருத்துக்களை நோக்கும் போது அவை, பல தெளிவான குர்ஆன் வசனங்களுக்கும், ஆதாரபூர்வமான ஹதீஸ்களுக்கும் மாற்றமானவையாக இருப்பதுடன், மார்க்க அறிஞர்களின் ஏகோபித்த கருத்துக்களுக்கும் மாற்றமாக உள்ளதையும் காணலாம்.

 

அவற்றிற் சில பின்வருமாறு :

 

  1. தஜ்ஜாலுடைய வருகை சம்பந்தமாக ஸஹீஹான ஹதீஸ்களில் கூறப்பட்டுள்ள சரியான கருத்துக்களுக்கு மாற்றமாக, தஜ்ஜால் வெளியாகி உள்ளான் என்ற பொய்யான வீண் பிரச்சாரத்தை மேற்கொள்கின்றமை.

 

  1. மறுமைநாளின் அடையாளமாக வெளிப்படும் புகை தொடர்பில் ஸஹீஹுல் புகாரியில் இடம்பெற்றிருக்கும் ஹதீஸ், உலக சுற்றாடல் மாசடைவதையே குறிக்கின்றது என்று தன்னிச்சையாக பிழையான விளக்கும் கூறுகின்றமை.

 

  1. முஸ்லிம் உம்மத்தால் 1000 வருடங்களுக்கும் மேலாக மதித்து வருகின்ற அல்குர்ஆனுக்கு அடுத்து வைக்கப்படுகின்ற ஏற்றுக்கொள்ளப்பட்ட ஸஹீஹுல் புகாரி போன்ற நம்பத் தகுந்த கிரந்தங்களில் வந்துள்ள ஸஹீஹான பல ஹதீஸ்கள், புனையப்பட்டவை எனக்கூறி அவற்றின் நம்பகத்தன்மையை சிதைக்கின்றமை.

 

  1. நடைமுறையிலுள்ள அல்குர்ஆன் பரிபூரணமற்றது, அதில் கூடுதல் குறைவு செய்யப்பட்டுள்ளது எனக்கூறி அல்குர்ஆனை அவமதித்தல், நபித்தோழர்களில் ஒருசிலரைத் தவிர மற்ற எல்லா நபித்தோழர்களும் இஸ்லாத்தை விட்டும் மதம் மாறியவர்கள் என நம்புதல் போன்ற இஸ்லாத்திற்கு முற்றிலும் மாற்றமான சிந்தனைகளைக் கொண்ட “இஸ்னா அஷ்ரிய்யாக்கள்” சரியான கொள்கையில் உள்ளனர் என்று நியாயப்படுத்துகின்றமை.

 

  1. மறுமை நாளின் 10 பெரும் அடையாளங்களில் ஒன்றாகிய தாப்பதுல் அர்ழ் என்ற (மனிதர்களுடன் பேசும்) மிருகம் தோன்றுவது பற்றிய ஸஹீஹான ஹதீஸுக்கு, இஸ்ரேலின் உருவாக்கத்தைக் குறிக்கின்றது என்று மிகப்பிழையாக வலிந்துரைக்கின்றமை.

மேற்கூறப்பட்ட இக்கருத்துக்களையே “சுபர் முஸ்லிம்” என்ற பிரிவினரும் பிரசாரம் செய்து வருகின்றமையும் குறிப்பிடத்தக்கது.

 

பொதுவாக அல்லாஹ், சிந்திக்கும் திறனை மனிதனுக்கு வழங்கியுள்ளான். அத்திறனை  பயன்படுத்தத் தேவையான இடத்தில் தேவையான முறையில் பயன்படுத்திக் கொள்வதற்கு ஆர்வமூட்டியுமுள்ளான். மறைவான விடயங்களில் ஆய்வை விட நம்பிக்கையே அடிப்படையாகக் கொண்டதாகும். அவற்றில் சிந்திக்கும் திறனைப் பயன்படுத்தாது அல்குர்ஆனிலும் ஸுன்னாவிலும் கூறப்பட்டதை அவ்வாறே நம்புவது அவசியமாகும்.

 

தமக்கு தெளிவில்லாத விடயங்களில் எவ்வாறு நடந்து கொள்ள வேண்டும் என்ற ஒழுக்க விழுமியங்களை பின்வரும் அல் குர்ஆன் வசனமும் ஹதீஸும் தெளிவுபடுத்துகின்றது.

 

عن مسروق عن عبد الله بن مسعود - رضي الله عنه - ، قال : يا أيها الناس ! من علم شيئا فليقل به ومن لم يعلم فليقل : الله أعلم ، فإن من العلم أن تقول لما لا تعلم : الله أعلم : قال الله تعالى لنبيه قل ما أسألكم عليه من أجر وما أنا من المتكلفين. (متفق عليه)

 

மஸ்ரூக் இப்னு அஜ்தஉ றஹ்மத்துல்லாஹி அலைஹி அவர்கள் அறிவிக்கின்றார்கள். நாங்கள் அப்துல்லாஹ் இப்னு மஸ்ஊத் றழியல்லாஹூ அன்ஹூ அவர்களிடம் சென்றோம். அவர்கள், மக்களே! ஒரு விடயத்தை அறிந்தவர், அதைப் பற்றிக் கூறட்டும்! அறியாதவர், “அல்லாஹ்வே நன்கறிந்தவன்” என்று கூறட்டும், ஏனெனில், ஒருவர் தாம் அறியாத ஒரு விடயத்தை “அல்லாஹ்வே நன்கறிந்தவன்” (எனக்குத் தெரியாது) என்று சொல்வதும் அறிவில் நின்றும் உள்ளதாகும். அல்லாஹூ தஆலா நபியவர்களுக்குக் கட்டளையிடுகின்றான். (நபியே!) நீங்கள் கூறுங்கள்: (மனிதர்களே! இதனை ஓதிக் காண்பிப்பதற்காக) நான் உங்களிடத்தில் யாதொரு கூலியையும் கேட்கவில்லை. அன்றி, (நீங்கள் சுமக்கக்கூடாத யாதொரு சுமையை) நான் உங்கள் மீது சுமத்தவும் இல்லை. இவ்வேதத்தை நான் கற்பனையாக கட்டிக் கொள்ளவும் இல்லை. (திருக்குர்ஆன் 38:86)  (நூல் : புகாரி, முஸ்லிம்)

 

ஷைக் இம்ரான் ஹூஸைன் என்பவர் அல்குர்ஆனிலும், அஸ்ஸுன்னாவிலும் வந்துள்ள இவ்வாறான பல விடயங்களுக்கு தனது பகுத்தறிவைப் பயன்படுத்தி சொந்த விளக்கம் கொடுத்ததனாலேயே இவ்வாறான தவறான வழியில் தான் சென்றது மாத்திரமல்லாது மற்றவர்களும் வழிகெட்டுப் போவதற்குக் காரணமாக இருக்கின்றார்.

 

இவ்வாறான விடயங்களை தகுதியான ஆலிம்களிடம் கேட்டுத் தெளிவுபெற வேண்டும். மாறாக இணையதளங்களில் வரும் விடயங்களைப் பார்த்து தாமாக மார்க்க விடயங்களில் ஒரு முடிவை எடுத்துச் செயற்படுவது, தமக்கும் முழு சமூகத்திற்கும் இம்மையிலும் மறுமையிலும் பெரும் கேடு விளைவிக்கக் காரணமாக அமையும்.

 

பிழையானதும் தீவிரவாத, பயங்கரவாதக் கருத்துக்களையும் மிதவாதிகளது சிந்தனையில் தாக்கத்தை ஏற்படுத்த இணையங்கள் மிகப் பெரும் கரிசனை செய்கின்றன. ‘பயங்கரவாதக் குழுக்களுக்கு இணையம் மிகப் பெரும் வசதியானதொரு தொழில் நுட்பமாக அமைந்து விடுகிறது’. ‘உலகில் எங்கோ இருந்து இயங்கும் ஒரு குழு அல்லது எமக்கு அறிமுகமற்ற ஒரு நபரிடமிருந்து பெறும் அறிவை, நாம் முழுமையாக ஏற்பது ஆரோக்கியமானதல்ல’. 

 

ஆகவே, நீங்கள் கேட்டிருக்கும் பல விடயங்கள் வஹிய்யுடன் சம்பந்தப்பட்டவையாகவும், எமது சிந்தனைக்கு அப்பாற்பட்ட விடயங்களாகவும் இருப்பதனால், அவை தொடர்காக சர்ச்சையில் ஈடுபடுவதைத் தவிர்த்து, அல்-குர்ஆன் மற்றும் ஆதாரபூர்வமான ஹதீஸ்களில் கூறப்பட்டவைகளை அவ்வாறே நம்புவதே மிக அவசியமானதாகும். 

 

மறுமைநாளின் அடையாளங்கள் மற்றும் அது போன்ற விடயங்களைப் பற்றிப் பேசும் ஷைக் இம்ரான் ஹூசைன் என்பவருடைய கொள்கையானது, அல்-குர்ஆன், ஹதீஸின் மற்றும் பெரும்பான்மையான ஆலிம்களின் தெளிவான வழிகாட்டல்களுக்கு முரணாக இருப்பதால், அவ்வாறான விடயங்களை விட்டும் சமூகம் தங்களைப் பாதுகாத்துக் கொள்ளவது அவசியமாகும்.

 

ஆகவே, இவ்வாறான விடயங்களை சமூக வலைதளங்களில் பகிர்ந்து கொள்வதையும்,  அவற்றை பிரசாரம் செய்வதையும் முற்றாக தவிர்ந்து கொள்ள வேண்டும்.

 

மேலும், இவ்வாறான விடயங்களில் ஈடுபட்டிருப்பவர்கள், இதிலிருந்து முற்றாக விடுபட்டு தௌபா செய்து கொள்ள வேண்டும். அத்துடன் சமூகப் பொறுப்புதாரிகள் இவ்வாறான கொள்கையில் உள்ளவர்களை நேரான வழியின் பக்கம் நளினமாகவும், அன்பாகவும் நெறிப்படுத்த வேண்டும்.

 

எனவே, இதுபோன்ற மார்க்க விடயங்களில் இந்நாட்டு ஆலிம்களின் தெளிவுகளையும், வழிகாட்டல்களையும் பெற்றுக்கொள்ளுமாறு ஆலோசனை கூறுகின்றோம்

 

எல்லாம் வல்ல அல்லாஹ்வே நன்கு அறிந்தவன்.

Additional Info

  • பத்வா எண் ACJU/FTW/2020/29-413
  • கேள்வி

    கேள்வி : எமது பகுதியைச் சேர்ந்த ஒருவர் சில படித்த இளைஞர்களையும், ஒரு சில பாமர மக்களையும் வைத்துக் கொண்டு 35 வகையான வினாக்களைத் தயாரித்துக் கொண்டு இவைகளுக்கு மார்க்கத் தீர்வு கேட்கின்றார். கடந்த காலங்களில் இவருடன் பல உலமாக்கள் விவாதம் செய்து, இவருக்கு பல ஆலோசனைகளும், வழிகாட்டல்களும் செய்தும் இவர் இதுகால வரைக்கும் இக்குழப்பச் செயற்பாடுகளிலிருந்து விலகவில்லை.

     

    எனவே, இக்கடிதத்துடன் இணைக்கப்பட்டுள்ள இவரது வினாக்களுக்குரிய மார்க்கத் தீர்வுகளை எமது கல்முனை ஜம்இய்யத்துல் உலமாவுக்கு தருமாறு மிகவும் தாழ்மையுடனும், பணிவுடனும் கேட்டுக் கொள்கின்றேன்.

  • Fatwa Summary பொதுவாக அல்குர்ஆனிலும் ஸுன்னாவிலும் மறுமைநாளின் அடையாளங்களில், சில அடையாளங்கள் மிகத்தெளிவாகவும் மற்றும் சில அடையாளங்கள் சுருக்கமாகவும் கூறப்பட்டுள்ளன. அவை எவ்வாறு கூறப்பட்டுள்ளனவோ அவற்றை அவ்வாறே நம்பி, ஏற்றுக் கொள்வது போதுமானதாகும். நபி ஸல்லல்லாஹூ அலைஹி வஸல்லம் அவர்களுடன் தோழமை கொண்டிருந்த சஹாபாக்கள், அவர்களைத் துயர்ந்தவர்கள் மற்றும் இமாம்கள் போன்றோர் அவற்றை அவ்வாறே நம்பி செயலாற்றியுள்ளதுடன், மற்றவர்களுக்கு போதனை செய்தும் வந்துள்ளனர். 1400 வருடங்களுக்கும் மேலாக பாதுகாக்கப்பட்டு வந்த இந்த அடிப்படையை வெறுமனே பகுத்தறிவுக்கு உட்படுத்தி இஸ்லாமிய மூலாதாரங்களுக்கு அப்பால் ஒரு தனிநபரின் சிந்தனைக்கு தோன்றிய விடயங்களை மார்க்கமாக ஆக்கி, பிரசாரத்தில் ஈடுபட்டு இஸ்லாத்தில் சந்தேகங்களை ஏற்படுத்துவது பெரும்பாவமாகும். நீங்கள் குறிப்பிட்டுள்ள கேள்விகளை நோக்கும் போது, ஷைக் இம்ரான் ஹூஸைன் (திரினிடாட்) என்பவரது சிந்தனைப் போக்கைத் தழுவியவர்களது வினாக்களாகவே தென்படுகின்றன. இவரது கருத்துக்களை நோக்கும் போது அவை, பல தெளிவான குர்ஆன் வசனங்களுக்கும், ஆதாரபூர்வமான ஹதீஸ்களுக்கும் மாற்றமானவையாக இருப்பதுடன், மார்க்க அறிஞர்களின் ஏகோபித்த கருத்துக்களுக்கும் மாற்றமாக உள்ளதையும் காணலாம்.
இதை மதிப்பிடுங்கள்
(0 votes)

2010.01.21
1431.01.04

சகோதரர் எம். அமீன்.
இக்கிரிகொல்லாவ,
வஹமல்கொல்லாவ,
அநுராதபுர.

அஸ்ஸலாமு அலைக்கும் வரஹ்மத்துல்லாஹி வபரக்காத்துஹ்.

 

தனக்கு வரவேண்டிய கடனை ஸக்காத்தில் கழித்து அதை தான் கொடுக்கும் ஸக்காத்தாக மாற்றுவது சம்பந்தமாக பத்வாக் கோரி 2009.08.10 ஆந் தேதியிட்டு தங்களால் அனுப்பி வைக்கப்பட்ட கடிதம் இத்தால் தொடர்புகொள்ளப்படுகிறது.

எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (ல்லல்லாஹூ அலைஹி வஸல்லம்) அவர்கள் மீதும், அவர்கள் கிளையார்கள், தோழர்கள் மீதும் உண்டாவதாக!

ஸக்காத் எண்ணமும் செயலும் ஒருங்கே சம்பந்தப்பட்ட ஓர் இபாதத் ஆகும். ஸக்காத் கொடுக்க கடமையானவர் கடமையாகிய சமயத்தில் கடமையான பொருளில் இருந்து குறிப்பிட்ட ஸக்காத் பங்கை, பெறுமதியை வேறாக்கி அதனை ஸக்காத் பெற தகுதியானவர்களுக்கு உரிய முறைப்படி வழங்கிவிட வேண்டும்.

ஸக்காத் பெற தகுதியான ஒருவரிடமிருந்து தனக்கு வரவேண்டிய கடனை ஸக்காத் கொடுக்க கடமைப்பட்டவர் ஸக்காத்துக்கு பகரமாக கழித்து விடுவது மேற்சொல்லப்பட்ட ஸக்காத் கொடுக்கும் முறைக்கு முரண்பட்டதாகும். ஒருவரிடமிருந்து இன்னொருவருக்கு நடைமுறையில் பொருள், பணம் ஸக்காத்தாக கையளிக்கப்பட வேண்டும். அல்லாஹ் தஆலா அல்-குர்ஆனில் பின்வருமாறு இயம்புகிறான்:

“நபியே! அவர்களுடைய செல்வங்களிலிருந்து தர்மத்தை (ஸக்காத்தை) எடுப்பீராக!” (09 : 103)

மேலும் நபி (ல்லல்லாஹூ அலைஹி வஸல்லம்) அவர்கள் முஆத் (ரழியல்லாஹூ அன்ஹூ) அவர்களை யமனுக்கு ஆளுநராக அனுப்பி வைத்த சமயத்தில் பின்வருமாறு கூறினார்கள்:
“அவர்களின் செல்வந்தர்களிடமிருந்து எடுக்கப்பட்டு அவர்களின் ஏழைகளுக்கு கொடுக்கப்படும் ஸக்காத்தை அவர்களின் செல்வங்களில் அவர்கள் மீது அல்லாஹ் கடமையாக்கியுள்ளான் என அவர்களுக்கு நீர் அறிவிப்பீராக!”
(நூல்: சஹீஹ் அல்-புகாரி, பாடம்: ஸக்காத் கடமையாதல், அறிவிப்பவர்: அப்துல்லாஹ் இப்னு அப்பாஸ் ரழியல்லாஹூ அன்ஹூமா)

மேற்படி அல்-குர்ஆன் வசனத்திலிருந்தும் ஹதீஸிலிருந்தும் ஸக்காத் கைக்குக்கை மாறுவது செயலில் நடைபெறவேண்டும் என்பது தெளிவாகின்றது. எனவேதான் இமாம்களான ஷாபிஈ, அபூ ஹனீபா, அஹ்மத் (ரஹிமஹூமுல்லாஹ்) ஆகியோரும் இன்னும் பல இமாம்களும் ஒருவர் தனக்கு வரவேண்டிய கடனை ஸக்காத்திற்கு பகரமாக கழித்துக்கொள்ள முடியாது என்கின்றனர்.


எல்லாம் வல்ல அல்லாஹ்வே நன்கு அறிந்தவன்.

வஸ்ஸலாமு அலைக்கும் வரஹ்மத்துல்லாஹி வபரக்காத்துஹ்.

 

அஷ்-ஷைக் எச். அப்துல் நாஸர்
பொதுச் செயலாளர்,
அகில இலங்கை ஜம்இய்யத்துல் உலமா

 

அஷ்-ஷைக் எம்.ஐ.எம்.ரிஸ்வி (முஃப்தி)
தலைவர்,
அகில இலங்கை ஜம்இய்யத்துல் உலமா

Additional Info

  • பத்வா எண் 03/ACJU/F/2010/0116
  • உட்பட்டது கடன் - ஸகாத்
  • கேள்வி

    தனக்கு வரவேண்டிய கடனை ஸக்காத்தில் கழித்தல்

  • Fatwa Summary தனக்கு வரவேண்டிய கடனை ஸக்காத்தில் கழித்து அதை தான் கொடுக்கும் ஸக்காத்தாக மாற்றுவது சம்பந்தமாக பத்வாக் கோரி 2009.08.10 ஆந் தேதியிட்டு தங்களால் அனுப்பி வைக்கப்பட்ட கடிதம் இத்தால் தொடர்புகொள்ளப்படுகிறது. எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் (ஸல்லல்லாஹூ அலைஹி வஸல்லம்) அவர்கள் மீதும், அவர்கள் கிளையார்கள், தோழர்கள் மீதும் உண்டாவதாக! ஸக்காத் எண்ணமும் செயலும் ஒருங்கே சம்பந்தப்பட்ட ஓர் இபாதத் ஆகும். ஸக்காத் கொடுக்க கடமையானவர் கடமையாகிய சமயத்தில் கடமையான பொருளில் இருந்து குறிப்பிட்ட ஸக்காத் பங்கை, பெறுமதியை வேறாக்கி அதனை ஸக்காத் பெற தகுதியானவர்களுக்கு உரிய முறைப்படி வழங்கிவிட வேண்டும். ஸக்காத் பெற தகுதியான ஒருவரிடமிருந்து தனக்கு வரவேண்டிய கடனை ஸக்காத் கொடுக்க கடமைப்பட்டவர் ஸக்காத்துக்கு பகரமாக கழித்து விடுவது மேற்சொல்லப்பட்ட ஸக்காத் கொடுக்கும் முறைக்கு முரண்பட்டதாகும். ஒருவரிடமிருந்து இன்னொருவருக்கு நடைமுறையில் பொருள், பணம் ஸக்காத்தாக கையளிக்கப்பட வேண்டும். அல்லாஹ் தஆலா அல்-குர்ஆனில் பின்வருமாறு இயம்புகிறான்: “நபியே! அவர்களுடைய செல்வங்களிலிருந்து தர்மத்தை (ஸக்காத்தை) எடுப்பீராக!” (09 : 103) மேலும் நபி (ஸல்லல்லாஹூ அலைஹி வஸல்லம்) அவர்கள் முஆத் (ரழியல்லாஹூ அன்ஹூ) அவர்களை யமனுக்கு ஆளுநராக அனுப்பி வைத்த சமயத்தில் பின்வருமாறு கூறினார்கள்: “அவர்களின் செல்வந்தர்களிடமிருந்து எடுக்கப்பட்டு அவர்களின் ஏழைகளுக்கு கொடுக்கப்படும் ஸக்காத்தை அவர்களின் செல்வங்களில் அவர்கள் மீது அல்லாஹ் கடமையாக்கியுள்ளான் என அவர்களுக்கு நீர் அறிவிப்பீராக!” (நூல்: சஹீஹ் அல்-புகாரி, பாடம்: ஸக்காத் கடமையாதல், அறிவிப்பவர்: அப்துல்லாஹ் இப்னு அப்பாஸ் ரழியல்லாஹூ அன்ஹூமா) மேற்படி அல்-குர்ஆன் வசனத்திலிருந்தும் ஹதீஸிலிருந்தும் ஸக்காத் கைக்குக்கை மாறுவது செயலில் நடைபெறவேண்டும் என்பது தெளிவாகின்றது. எனவேதான் இமாம்களான ஷாபிஈ, அபூ ஹனீபா, அஹ்மத் (ரஹிமஹூமுல்லாஹ்) ஆகியோரும் இன்னும் பல இமாம்களும் ஒருவர் தனக்கு வரவேண்டிய கடனை ஸக்காத்திற்கு பகரமாக கழித்துக்கொள்ள முடியாது என்கின்றனர்.
இதை மதிப்பிடுங்கள்
(0 votes)

2006.06.14

செயலாளர்,
அகில இலங்கை ஜம்இய்யத்துல் உலமா - கண்டி மாவட்டக் கிளை

அஸ்ஸலாமு அலைக்கும் வரஹ்மத்துல்லாஹி வபரக்காத்துஹூ

மேற்படி விடயம் சம்பந்தமாக ஃபத்வாக் கோரி தங்களால் அனுப்பப்பட்ட 2004.10.27 தேதியிடப்பட்ட கடிதம் இத்தால் தொடர்புகொள்ளப்படுகிறது.

எல்லாப் புகழும் வல்ல அல்லாஹ்வுக்கே. சலாத்தும், ஸலாமும் அவனின் இறுதித் தூதர் முஹம்மத் ல்லல்லாஹூ அலைஹி வஸல்லம் அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!

தங்கம், வெள்ளி, கால் நடைகள், வியாபாரப் பொருட்கள் ஆகியவற்றில் ஸக்காத் கடமையாவதற்கு (12 அரபு மாதங்களைக் கொண்ட) ஒரு வருடம் பூர்த்தியடைதலும் ஒரு நிபந்தனையாகும். மேற்படி பொருட்களில் ஒவ்வொரு வருடமும் ஸக்காத் கடமையாகும்.

இதுவே நேர்வழி பெற்ற கலீஃபாக்கள், சஹாபிகளது பொதுவான நடைமுறையாகவும் இருந்து வந்துள்ளது.

எனவே, ஒவ்வொரு வருடமும் ஸக்காத் கொடுப்பது கடமையாகும். ஸக்காத் விதியாகும் ஒரு பொருளில் வாழ்நாளில் ஒரு முறை மாத்திரம் ஸக்காத் கொடுத்தல் போதுமானதாகாது.

அல்லாஹ்வே நன்கு அறிந்தவன்.

வஸ்ஸலாமு அலைக்கும் வரஹ்மத்துல்லாஹி வபரக்காத்துஹூ 

 

அஷ்-ஷைக். டப்ளியு..தீனுல் ஹஸன் 
செயலாளர், ஃபத்வாக் குழு 
அகில இலங்கை ஜம்இய்யத்துல் உலமா அகில இலங்கை ஜம்இய்யத்துல் உலமா

 

அஷ்-ஷைக். எச்.அப்துல் நாஸர்

பொதுச் செயலாளர்,

அகில இலங்கை ஜம்இய்யத்துல் உலமா

 

அஷ்-ஷைக். எம்.ஐ.எம்.ரிஸ்வி (முஃப்தி)
தலைவர்,
அகில இலங்கை ஜம்இய்யத்துல் உலமா

Additional Info

  • பத்வா எண் 020/ACJU/F/2006
  • உட்பட்டது ஸக்காத் விதியாகும் பொருட்கள்
  • கேள்வி

    ஸக்காத் விதியாகும் பொருட்களுக்கு வருடாந்தம் ஸக்காத் கொடுக்க வேண்டுமா?

  • Fatwa Summary தங்கம், வெள்ளி, கால் நடைகள், வியாபாரப் பொருட்கள் ஆகியவற்றில் ஸக்காத் கடமையாவதற்கு (12 அரபு மாதங்களைக் கொண்ட) ஒரு வருடம் பூர்த்தியடைதலும் ஒரு நிபந்தனையாகும். மேற்படி பொருட்களில் ஒவ்வொரு வருடமும் ஸக்காத் கடமையாகும். இதுவே நேர்வழி பெற்ற கலீஃபாக்கள், சஹாபிகளது பொதுவான நடைமுறையாகவும் இருந்து வந்துள்ளது. எனவே, ஒவ்வொரு வருடமும் ஸக்காத் கொடுப்பது கடமையாகும். ஸக்காத் விதியாகும் ஒரு பொருளில் வாழ்நாளில் ஒரு முறை மாத்திரம் ஸக்காத் கொடுத்தல் போதுமானதாகாது.

2019.04.21 அன்று இடம்பெற்ற உயிர்த்த ஞாயிறு தாக்குதலின் முக்கிய சூத்திரதாரியாக கருதப்படும் ஸஹ்ரான் ஹாஷிமின் கருத்துக்கள், பேச்சுக்கள், செயற்பாடுகள் மற்றும் அவற்றினால் கவரப்பட்டோரின் நிலை குறித்து அகில இலங்கை ஜம்இய்யத்துல் உலமாவின் பத்வா

1442.05.09

2020.12.25

அன்புடையீர்!

அஸ்ஸலாமு அலைக்கும் வறஹ்மதுல்லாஹி வபறகாத்துஹூ


எல்லாப் புகழும் அல்லாஹ்வுக்கே ஸலாத்தும், ஸலாமும் அவனின் இறுதித் தூதர் முஹம்மத் ஸல்லல்லாஹூ அலைஹி வஸல்லம் அவர்கள் மீதும் அவர்களின் கிளையார்கள், தோழர்கள் மீதும் உண்டாவதாக!


இஸ்லாமிய மார்க்கம் என்பது அன்பு, மனித நேயம், ஐக்கியம், சமாதானம், சகவாழ்வு, சகோதரத்துவம் போன்ற உயர்ந்த ஒழுக்க விழுமியங்களை போதிக்கும் மார்க்கமாகும். ஒரு முஸ்லிம் சிறந்த மனிதநேய பண்புகளை உலகில் மலரச் செய்து தானும் தன்னைச் சூழவுள்ளவர்களும் அமைதியாகவும் நிம்மதியாகவும் வாழ வழியமைத்துக் கொடுப்பதையே இஸ்லாம் விரும்புகின்றது.


அல்லாஹூ தஆலா அல் குர்ஆனில் குறிப்பிடுகின்றான்.


وَمَا أَرْسَلْنَاكَ إِلا رَحْمَةً لِلْعَالَمِينَ (الأنبياء :107)


'(நபியே!) நாம் உம்மை அகிலத்தாருக்கு ரஹ்மத்தாக - ஓர் அருட் கொடையாகவேயன்றி அனுப்பவில்லை." (அல்-அன்பியா : 107)


அல்லாஹூ தஆலா நபி முஹம்மத் ஸல்லல்லாஹூ அலைஹி வஸல்லம் அவர்களை அகிலத்தாருக்கு அருளாகவும், கருணை காட்டக்கூடியவராகவுமே அனுப்பியுள்ளான்.


وَكَذَٰلِكَ جَعَلْنَاكُمْ أُمَّةً وَسَطًا ( البقرة : 143)


மேலும், இவ்வாறே (முஸ்லிம்களான) உங்களை நாம் ‘உம்மத்தன் வஸத்தன்’ சமநிலையுடைய சமுதாயமாக ஆக்கினோம். (அல்-பகரா : 143).


நடுநிலைக் கொள்கை என்பது இஸ்லாம் போதிக்கும் மிக முக்கிய கோட்பாடுகளில் ஒன்றாகும். மார்க்கத்தை அது வகுத்திருக்கும் எல்லையை மீறி கடைபிடிக்கவும் கூடாது. அதில் அலட்சியம் காட்டுதலும் கூடாது. மேலும், இஸ்லாம் இவ்வுலக மற்றும் மறுஉலகம் சார்ந்த அனைத்து விடயங்களிலும் நடுநிலையை பேணும்படியே வழிகாட்டியுள்ளது. சார்புநிலை பேணாத சமநிலையுடன் நீதமாக அனைவரையும் மதித்து, அவரவர் உணர்வுகளை புரிந்து நடத்தல் என்பது இங்கு உணர்த்தப்படுகின்றது.


لَا تَغْلُوا فِي دِينِكُمْ. ) النساء : 171)


நீங்கள் உங்கள் மார்க்கத்தில் அளவுகடந்து செல்ல வேண்டாம். (அன்னிஸாஉ : 171).


இஸ்லாம் மார்க்கத்தில் அளவு கடந்து செல்வதை தடைசெய்துள்ளது. அல்லாஹ்வுடைய விடயமாயினும் அல்லது இறைத்தூதரின் விடயமாயினும் மார்க்கம் வகுத்த எல்லையையும் வரம்பினையும் கடந்துவிடாது நிதானமாக நடந்துகொள்ளுங்கள் என்பது இதன் கருத்தாகும்.


عن عائشة رضي الله عنها: أَن النبيَّ ﷺ قَالَ: إِنَّ اللَّهَ رَفِيقٌ يُحِبُّ الرِّفقَ، وَيُعْطِي على الرِّفق ما لا يُعطي عَلى العُنفِ، وَما لا يُعْطِي عَلى مَا سِوَاهُ. (رواه مسلم: 2593)


நிச்சயமாக அல்லாஹ் மென்மையானவன்; மென்மையான போக்கையே அவன் விரும்புகின்றான். வன்மைக்கும் பிறவற்றுக்கும் வழங்காததையெல்லாம் அவன் மென்மைக்கு வழங்குகின்றான் என நபி ஸல்லல்லாஸூஅலைஹி வஸல்லம் அவர்கள் கூறியதாக ஆயிஷா றழியல்லாஸூ அன்ஹா அவர்கள் அறிவிக்கின்றார்கள். (முஸ்லிம் : 2593).
வன்முறைகளில் ஈடுபடுவதை வன்மையாகக் கண்டிக்கும் நபிகளாரின் இந்தப் போதனை, மென்மையையும் நளினத்தையும் கடைபிடிக்கும்படி போதிக்கின்றது.


وَلَا تَسُبُّوا الَّذِيْنَ يَدْعُوْنَ مِنْ دُوْنِ اللّٰهِ فَيَسُبُّوا اللّٰهَ عَدْوًاۢ بِغَيْرِ عِلْمٍ. (الأنعام : 108)


அவர்கள் அழைக்கும் அல்லாஹ் அல்லாதவற்றை நீங்கள் திட்டாதீர்கள்; (அப்படித் திட்டினால்) அவர்கள் அறிவில்லாமல், வரம்பு மீறி அல்லாஹ்வைத் திட்டுவார்கள். (அல்-அன்ஆம்: 108).


ஏனையோரது மத உணர்வுகளை மதித்து நடத்தல் வேண்டும் என்பதையே இவ்வசனம் உணர்த்துகின்றது.


لَاۤ اِكْرَاهَ فِى الدِّيْنِ‌ۙ (سورة البقرة : 256)


“மார்க்கத்தில் வற்புறுத்தல் இல்லை”. (அல்-பகறா 256).


மதீனாவின் காலப்பகுதியில் இறக்கப்பட்ட இத்திருவசனம், மனிதனுக்கு மதச் சுதந்திரம் வழங்கப்பட்டுள்ளமையை உறுதிப்படுத்துவதற்கு ஓரு பிரதானமான சான்றாகும் என்பதுடன், சுதந்திரமாக ஒருவர் சிந்தித்து முடிவெடுத்து, செயற்படத் தூண்டப்பட வேண்டும் என்பது இங்கு உணர்த்தப்படுகின்றது.
இக்கருத்தை உறுதிப்படுத்தும் மற்றுமோர் திருமறை வசனம் பின்வருமாறு.


لَـكُمْ دِيْنُكُمْ وَلِىَ دِيْنِ (سورة الكافرون : 06)


(நபியே நீர் கூறுவீராக!) உங்களுக்கு உங்களுடைய மார்க்கமாகும், எனக்கு என்னுடைய மார்க்கமாகும். (அல் காபிரூன்: 06).


وَاللّٰهُ لَا يُحِبُّ الظّٰلِمِيْنَ‏ (آل عمران : 57)


அல்லாஹ் அநியாயம் புரியக்கூடியவர்களை நேசிக்கமாட்டான். (ஆலு இம்ரான் : 57).


முஸ்லிம்கள், முஸ்லிம் அல்லாதவர்கள், மற்றைய உயிரினங்கள் என யாருக்கும் எவற்றிற்கும் எந்தவகையிலும் அநியாயம் செய்வதை இஸ்லாம் ஒரு போதும் அனுமதிக்கவில்லை.


عَنْ أَبِي ذَرٍّ رضي الله عنه عَنِ النَّبِيِّ صلى الله عليه وسلم فِيمَا رَوَى عَنِ اللَّهِ، تَبَارَكَ وَتَعَالَى أَنَّهُ قَالَ ‏ "‏ يَا عِبَادِي إِنِّي حَرَّمْتُ الظُّلْمَ عَلَى نَفْسِي وَجَعَلْتُهُ بَيْنَكُمْ مُحَرَّمًا فَلاَ تَظَالَمُوا. (رواه مسلم : 2577)


என் அடியார்களே! அநீதியிழைப்பதை எனக்கு நானே தடை செய்து கொண்டேன்; அதை உங்களுக்கு மத்தியிலும் தடை செய்யப்பட்டதாக ஆக்கிவிட்டேன். ஆகவே, நீங்கள் ஒருவருக்கொருவர் அநீதியிழைக்காதீர்கள் என்று வளமும் உயர்வும் மிக்க அல்லாஹ் அறிவித்ததாக, நபி ஸல்லல்லாஹ{ அலைஹி வஸல்லம் அவர்கள் கூறியதை அபூதர் றழியல்லாஹூ அன்ஹூ அவர்கள் அறிவித்துள்ளார்கள். (நூல் : முஸ்லிம், 2577).


عن أبي سعيدٍ الخدري رضي الله عنه: أن رسول الله صلى الله عليه وسلم قال: لا ضرر ولا ضرار. ، (مستدرك الحاكم: 2345)


ஒருவர் தனக்கு தீங்கிழைப்பதும் கூடாது; மற்றவர்களுக்கும் தீங்கிழைப்பதும் கூடாது என நபி ஸல்லல்லாஸூ அலைஹி வஸல்லம் அவர்கள் கூறியதாக அபூ ஸஈத் அல்குத்ரீ றழியல்லாஸூ அன்ஸூ அவர்கள் அறிவிக்கின்றார்கள். (நூல் : முஸ்தத்ரகுல் ஹாகிம்-2345).


أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا ۚ )المائدة : 32)


“நிச்சயமாக எவர் ஒருவர் கொலைக்குப் பதிலாகவோ அல்லது பூமியில் ஏற்படும் குழப்பத்தை(த் தடுப்பதற்காகவோ) அன்றி, மற்றொருவரைக் கொலை செய்கிறாரோ, அவன் மனிதர்கள் யாவரையுமே கொலை செய்தவன் போலாவான்;. மேலும், எவரொருவர் ஓர் ஆத்மாவை வாழ வைக்கிறாரோ, அவர் மனிதர்கள் யாவரையும் வாழவைப்பவரைப் போலாவார்” (அல்-மாஇதா : 32)


புனித அல்-குர்ஆன் எந்த சூழ்நிலையிலும் ஒரு அப்பாவியின் உயிரை பறிக்க முடியாது என்று வெளிப்படையாகக் கூறுகிறது.

மேற்கண்ட அல் குர்ஆன் வசனங்கள் மற்றும் ஹதீஸ்கள், அல்லாஸூ தஆலா நபி முஹம்மத் ஸல்லல்லாஸூ அலைஹி வஸல்லம் அவர்களை கருணை காட்டுபவராக இவ்வையகத்துக்கு அனுப்பியுள்ளான் என்பதையும், இஸ்லாம் தீவிரவாதத்தை வன்மையாகக் கண்டிக்கிறது என்பதையும், எந்நிலையிலும் நடுநிலையாகவும், நிதானமாகவும், மிதமாகவும் நடந்துகொள்ள வேண்டும் என்பதையும் பிறருக்கு அநியாயம் இழைக்கக்கூடாது என்பதையும் வலியுறுத்துகின்றன. தற்கொலையை பெரும்பாவமென கூறி முற்றிலும் அதை தடைசெய்துள்ள இஸ்லாம், அந்தப் பாவச் செயலில் ஈடுபடுவோருக்கு கடுமையான தண்டனை மறுமையில் உண்டு எனவும் எச்சரித்துள்ளது. இவ்விடயம் நாற்பதுக்கும் மேற்பட்ட ஹதீஸ்களால் உறுதி செய்யப்பட்டுள்ளது.

தாம் வசிக்கும் நாட்டின் சட்டத்தை பின்பற்றி நடப்பது முஸ்லிம்களின் பொறுப்பாகும் என்பதுடன், தனிநபர்கள் சட்டத்தை கையில் எடுத்து செயல்படுத்துவதை ஒருபோதும் இஸ்லாம் அனுமதிக்கவில்லை.
தற்காலத்தில் “மூளைச் சலவை செய்யப்பட்ட” முஸ்லிம் பெயர்தாங்கிகள் சிலர் இஸ்லாத்தின் போதனைகளுக்கு முற்றிலும் மாற்றமான தீவிரவாத சிந்தனையுடன் உலகளவில் செயல்பட்டுவருவதை பார்க்க முடிகிறது. அதனால், உலகம் முழுவதும் இஸ்லாம் பற்றிய அச்சம் ஏற்படுத்தப்படுகின்றது.
2015.07.23 ஆம் திகதி அகில இலங்கை ஜம்இய்யத்துல் உலமா மற்றும் ஏனைய முஸ்லிம் அமைப்புக்கள் இணைந்து இவ்வாறான தீவிரவாத சிந்தனைகளுக்கும் இஸ்லாத்துக்கும் எவ்வித தொடர்பும் இல்லை என்ற பிரகடனத்தை வெளியிட்டது. இதே அடிப்படையிலேயே சர்வதேச பத்வா அமைப்புக்களின் பத்வாக்களும் அமைந்திருக்கின்றன.
ஸஹ்ரான் ஹாஷிம் மற்றும் அவனது சகாக்களால் உயிர்த்த ஞாயிறு 2019.04.21 அன்று மேற்கொள்ளப்பட்ட கொடூரமான தாக்குதலை நாம் வன்மையாகக் கண்டித்தோம். இம்மிலேச்சத்தனமான தாக்குதலால், அப்பாவி மக்கள் பரிதாபமாக கொல்லப்பட்டு இன்னும் பலர் காயங்களுக்குள்ளாக்கப்பட்டதோடு, தேவாலயங்கள் மற்றும் ஹோட்டல்களும் சேதப்படுத்தப்பட்டன.


இஸ்லாமிய போதனைகளுக்கு மாற்றமாக மேற்கொள்ளப்பட்ட மிலேச்சத்தனமான இந்த தாக்குதலை நடாத்திய ஸஹ்ரான் ஹாஷிமின் செயற்பாடுகள், இஸ்லாத்திற்கு முரணானது என்ற காரணத்தினால் தான், அந்த கொடூர தாக்குதலை மேற்கொண்டோரின் உயிர்களை முஸ்லிம் சமூகம் பொறுப்பேற்க வேண்டாம் என்று அகில இலங்கை ஜம்இய்யத்துல் உலமா பத்வா வெளியிட்டது.
இந்த மிலேச்சத்தனமான தாக்குதலை நடாத்திய ஸஹ்ரான் ஹாஷிமும், அவனது சகாக்களும் அல் குர்ஆன் வசனங்களையும் ஹதீஸ்களையும் பிழையாக வியாக்கியானம் செய்துள்ளனர். அவர்களது செயற்பாடுகளை நியாயப்படுத்த அல்குர்ஆனிலோ ஹதீஸிலோ எந்தவொரு அனுமதியும் கிடையாது. இது தொடர்பான பூரணமான விளக்கம் முஸ்லிம் சமய பண்பாட்டலுவல்கள் திணைக்களத்தின் ஒத்துழைப்புடன், அகில இலங்கை ஜம்இய்யத்துல் உலமா வெளியிட்டுள்ள “மதத்தின் பெயரால் தீவிரவாதம் வேண்டாம்” என்ற புத்தகத்தில் தெளிவாகக் குறிப்பிடப்பட்டுள்ளது.


இவ்வாறான நெறி தவறிய தீவிரவாத சிந்தனைகளிலிருந்து முழு சமூகத்தையும் தேசத்தையும் பாதுகாத்துக் கொள்ள இவ்விடயத்தில் அவதானமாகவும் எச்சரிக்கையாகவும் இருக்குமாறு அனைத்து முஸ்லிம்களையும் கேட்டுக் கொள்கின்றோம்.
எல்லாம் வல்ல அல்லாஹ்வே யாவற்றையும் நன்கு அறிந்தவன்.

 

 

அஷ்-ஷைக் ஏ.சீ. அகார் முஹம்மத்
கௌரவ பிரதித் தலைவர்


அஷ்-ஷைக் எச். உமர்தீன்
கௌரவ உப தலைவர்

 

அஷ்-ஷைக் ஏ.எல்.எம். றிழா
கௌரவ உப தலைவர்


அஷ்-ஷைக் எம்.ஜே. அப்துல் காலிக்
கௌரவ உப தலைவர்


அஷ்-ஷைக் எஸ்.எச். ஆதம்பாவா
கௌரவ உப தலைவர்

 

அஷ்-ஷைக் ஏ.எல்.எம். கலீல்
கௌரவ பொருளாளர்


அஷ்-ஷைக் அர்கம் நூராமித்
கௌரவ உதவிச் செயலாளர்

அஷ்ஷைக் எம்.டி.எம் ஸல்மான்
கௌரவ உதவிச் செயலாளர், பத்வாக் குழு


அஷ்-ஷைக் ஏ.எம். அஸாத் (ஆயு)
கௌரவ உதவிச் செயலாளர், பத்வாக் குழு


அஷ்-ஷைக் எம்.எப்.எம். பாழில்
கௌரவ நிறைவேற்றுக் குழு உறுப்பினர்


அஷ்-ஷைக் எம்.எம்.எம். முர்ஷித்
கௌரவ நிறைவேற்றுக் குழு மற்றும் பத்வாக் குழு உறுப்பினர்


 அஷ்-ஷைக் கே.எம். அப்துல் முக்ஸித்
கௌரவ நிறைவேற்றுக் குழு உறுப்பினர்


அஷ்-ஷைக் எம்.எம் ஹஸன் பரீத்
கௌரவ நிறைவேற்றுக் குழு உறுப்பினர்


அஷ்-ஷைக் முப்தி எம்.எச்.எம். யூஸூப்
கௌரவ நிறைவேற்றுக் குழு மற்றும் பத்வாக் குழு உறுப்பினர்


அஷ்-ஷைக் ஏ.ஸி.எம். பாழில்
கௌரவ நிறைவேற்றுக் குழு மற்றும் பத்வாக் குழு உறுப்பினர்

அஷ்-ஷைக் எஸ்.எல். நவ்பர்
கௌரவ நிறைவேற்றுக் குழு உறுப்பினர்


அஷ்-ஷைக் எம்.கே. அப்துர் ரஹ்மான்
கௌரவ நிறைவேற்றுக் குழு மற்றும் பத்வாக் குழு உறுப்பினர்

அஷ்-ஷைக் எஸ்.ஏ.எம். ஜஃபர்
கௌரவ நிறைவேற்றுக் குழு உறுப்பினர்


அஷ்-ஷைக் அப்துல்லாஹ் மஹ்மூத் ஆலிம்
கௌரவ நிறைவேற்றுக் குழு உறுப்பினர்

அஷ்-ஷைக் ஏ.ஆர். அப்துர் ரஹ்மான்
கௌரவ நிறைவேற்றுக் குழு மற்றும் பத்வாக் குழு உறுப்பினர்


அஷ்-ஷைக் எம்.எச்.எம். புர்ஹான்
கௌரவ நிறைவேற்றுக் குழு மற்றும் பத்வாக் குழு உறுப்பினர்


அஷ்-ஷைக் ஸகீ அஹ்மத்
கௌரவ நிறைவேற்றுக் குழு மற்றும் பத்வாக் குழு உறுப்பினர்


கலாநிதி அஷ்-ஷைக் அஹ்மத் அஸ்வர்
கௌரவ நிறைவேற்றுக் குழு உறுப்பினர்


கலாநிதி அஷ்-ஷைக் எம்.எல்.எம். முபாரக்
கௌரவ நிறைவேற்றுக் குழு மற்றும் பத்வாக் குழு உறுப்பினர்


அஷ்-ஷைக் எம்.இஸட்.எம். நுஃமான்
கௌரவ நிறைவேற்றுக் குழு உறுப்பினர்


அஷ்-ஷைக் எம்.எப்.எம். பரூத்
கௌரவ நிறைவேற்றுக் குழு உறுப்பினர்


அஷ்-ஷைக் எம்.ஏ.ஏ.எம். பிஷ்ர்
கௌரவ நிறைவேற்றுக் குழு மற்றும் பத்வாக் குழ உறுப்பினர்


அஷ்-ஷைக் எம்.எச்.எம். யஹ்யா
கௌரவ பத்வாக் குழு உறுப்பினர்


அஷ்-ஷைக் முப்தி கே.எச்.எம்.ஏ மபாஸ்
கௌரவ பத்வாக் குழு உறுப்பினர்

 

அஷ்-ஷைக் எம்.ஐ. அப்துல் காதர்
கௌரவ பத்வாக் குழு உறுப்பினர்


அஷ்-ஷைக் முப்தி எம்.எப்.எம் ரியாழ்
கௌரவ பத்வாக் குழு உறுப்பினர்


அஷ்-ஷைக் முப்தி ஏ.எம். நஜ்முதீன்
கௌரவ பத்வாக் குழு உறுப்பினர்


அஷ்-ஷைக் ஏ.ஜி ஹாமித் ஸதகா
கௌரவ பத்வாக் குழு உறுப்பினர்


அஷ்-ஷைக் எம்.இஸட்.எம் அமீனுத்தீன்
கௌரவ பத்வாக் குழு உறுப்பினர்


அஷ்-ஷைக் எஸ்.எச்.எம் இஸ்மாஈல்
கௌரவ பத்வாக் குழு உறுப்பினர்


கலாநிதி அஷ்-ஷைக் எம்.இஸட்.எம் முபீர்
கௌரவ பத்வாக் குழு உறுப்பினர்


 அஷ்-ஷைக் முப்தி ஏ.ஆர் அமானுல்லாஹ்
கௌரவ பத்வாக் குழு உறுப்பினர்


அஷ்-ஷைக் எம்.ஏ.எம். ழபர்
கௌரவ பத்வாக் குழு உறுப்பினர்


அஷ்-ஷைக் முப்தி என்.எம். இர்ஸான்
கௌரவ பத்வாக் குழு உறுப்பினர்


அஷ்-ஷைக் ஏ.எம் ஹாரூன்
கௌரவ பத்வாக் குழு உறுப்பினர்


அஷ்-ஷைக் முப்தி ஜாவித் இக்பால்
கௌரவ பத்வாக் குழு உறுப்பினர்


அஷ்-ஷைக் எம்.என்.எம் இர்ஷாத்
கௌரவ பத்வாக் குழு உறுப்பினர்


அஷ்-ஷைக் நாகூர் ளரீப்
கௌரவ பத்வாக் குழு உறுப்பினர்

 

அஷ்-ஷைக் எம்.என் அப்ராஸ்
கௌரவ பத்வாக் குழு உறுப்பினர்


அஷ்-ஷைக் எம்.எப்.எம் ரம்ஸி
கௌரவ பத்வாக் குழு உறுப்பினர்


அஷ்-ஷைக் எம்.ஐ. ஹஜ்ஜி முஹம்மத்
கௌரவ பத்வாக் குழு உறுப்பினர்


அஷ்-ஷைக் எம்.ஐ. கலீல் ரஹீம்
கௌரவ பத்வாக் குழு உறுப்பினர்


அஷ்-ஷைக் முப்தி எம்.எம் ழியாஉத்தீன்
கௌரவ பத்வாக் குழு உறுப்பினர்


அஷ்-ஷைக் முப்தி எம்.ஏ.எம் அன்பாஸ்
கௌரவ பத்வாக் குழு உறுப்பினர்


அஷ்-ஷைக் எம். ஸவ்மி கரீம்
கௌரவ பத்வாக் குழு உறுப்பினர்


அஷ்-ஷைக் ஏ.எச்.எம் அக்ரம் (ஆயு)
கௌரவ பத்வாக் குழு உறுப்பினர்


அஷ்-ஷைக் ஏ.ஜே.எம் மக்தூம்
கௌரவ பத்வாக் குழு உறுப்பினர்


அஷ்-ஷைக் எம்.எம்.ஏ இம்தியாஸ்
கௌரவ பத்வாக் குழு உறுப்பினர்


அஷ்-ஷைக் எஸ்.எஸ்.எம் ரூமி
கௌரவ பத்வாக் குழு உறுப்பினர்


அஷ்-ஷைக் எம்.எச்.எம் ஹூதைபா
கௌரவ பத்வாக் குழு உறுப்பினர்


அஷ்-ஷைக் ஏ.ஆர். றமீன்
கௌரவ பத்வாக் குழு உறுப்பினர்

 

Additional Info

  • பத்வா எண் ACJU/FTW/2020/31-415
  • உட்பட்டது 2019.04.21 அன்று இடம்பெற்ற உயிர்த்த ஞாயிறு தாக்குதலின் முக்கிய சூத்திரதாரியாக கருதப்படும் ஸஹ்ரான் ஹாஷி்
  • கேள்வி

    2019.04.21 அன்று இடம்பெற்ற உயிர்த்த ஞாயிறு தாக்குதலின் முக்கிய சூத்திரதாரியாக கருதப்படும் ஸஹ்ரான் ஹாஷிமின் கருத்துக்கள், பேச்சுக்கள், செயற்பாடுகள் மற்றும் அவற்றினால் கவரப்பட்டோரின் நிலை குறித்து அகில இலங்கை ஜம்இய்யத்துல் உலமாவின் பத்வா

  • Fatwa Summary புனித அல்-குர்ஆன் எந்த சூழ்நிலையிலும் ஒரு அப்பாவியின் உயிரை பறிக்க முடியாது என்று வெளிப்படையாகக் கூறுகிறது. மேற்கண்ட அல் குர்ஆன் வசனங்கள் மற்றும் ஹதீஸ்கள், அல்லாஸூ தஆலா நபி முஹம்மத் ஸல்லல்லாஸூ அலைஹி வஸல்லம் அவர்களை கருணை காட்டுபவராக இவ்வையகத்துக்கு அனுப்பியுள்ளான் என்பதையும், இஸ்லாம் தீவிரவாதத்தை வன்மையாகக் கண்டிக்கிறது என்பதையும், எந்நிலையிலும் நடுநிலையாகவும், நிதானமாகவும், மிதமாகவும் நடந்துகொள்ள வேண்டும் என்பதையும் பிறருக்கு அநியாயம் இழைக்கக்கூடாது என்பதையும் வலியுறுத்துகின்றன. தற்கொலையை பெரும்பாவமென கூறி முற்றிலும் அதை தடைசெய்துள்ள இஸ்லாம், அந்தப் பாவச் செயலில் ஈடுபடுவோருக்கு கடுமையான தண்டனை மறுமையில் உண்டு எனவும் எச்சரித்துள்ளது. இவ்விடயம் நாற்பதுக்கும் மேற்பட்ட ஹதீஸ்களால் உறுதி செய்யப்பட்டுள்ளது. தாம் வசிக்கும் நாட்டின் சட்டத்தை பின்பற்றி நடப்பது முஸ்லிம்களின் பொறுப்பாகும் என்பதுடன், தனிநபர்கள் சட்டத்தை கையில் எடுத்து செயல்படுத்துவதை ஒருபோதும் இஸ்லாம் அனுமதிக்கவில்லை. தற்காலத்தில் “மூளைச் சலவை செய்யப்பட்ட” முஸ்லிம் பெயர்தாங்கிகள் சிலர் இஸ்லாத்தின் போதனைகளுக்கு முற்றிலும் மாற்றமான தீவிரவாத சிந்தனையுடன் உலகளவில் செயல்பட்டுவருவதை பார்க்க முடிகிறது. அதனால், உலகம் முழுவதும் இஸ்லாம் பற்றிய அச்சம் ஏற்படுத்தப்படுகின்றது. 2015.07.23 ஆம் திகதி அகில இலங்கை ஜம்இய்யத்துல் உலமா மற்றும் ஏனைய முஸ்லிம் அமைப்புக்கள் இணைந்து இவ்வாறான தீவிரவாத சிந்தனைகளுக்கும் இஸ்லாத்துக்கும் எவ்வித தொடர்பும் இல்லை என்ற பிரகடனத்தை வெளியிட்டது. இதே அடிப்படையிலேயே சர்வதேச பத்வா அமைப்புக்களின் பத்வாக்களும் அமைந்திருக்கின்றன. ஸஹ்ரான் ஹாஷிம் மற்றும் அவனது சகாக்களால் உயிர்த்த ஞாயிறு 2019.04.21 அன்று மேற்கொள்ளப்பட்ட கொடூரமான தாக்குதலை நாம் வன்மையாகக் கண்டித்தோம். இம்மிலேச்சத்தனமான தாக்குதலால், அப்பாவி மக்கள் பரிதாபமாக கொல்லப்பட்டு இன்னும் பலர் காயங்களுக்குள்ளாக்கப்பட்டதோடு, தேவாலயங்கள் மற்றும் ஹோட்டல்களும் சேதப்படுத்தப்பட்டன. இஸ்லாமிய போதனைகளுக்கு மாற்றமாக மேற்கொள்ளப்பட்ட மிலேச்சத்தனமான இந்த தாக்குதலை நடாத்திய ஸஹ்ரான் ஹாஷிமின் செயற்பாடுகள், இஸ்லாத்திற்கு முரணானது என்ற காரணத்தினால் தான், அந்த கொடூர தாக்குதலை மேற்கொண்டோரின் உயிர்களை முஸ்லிம் சமூகம் பொறுப்பேற்க வேண்டாம் என்று அகில இலங்கை ஜம்இய்யத்துல் உலமா பத்வா வெளியிட்டது. இந்த மிலேச்சத்தனமான தாக்குதலை நடாத்திய ஸஹ்ரான் ஹாஷிமும், அவனது சகாக்களும் அல் குர்ஆன் வசனங்களையும் ஹதீஸ்களையும் பிழையாக வியாக்கியானம் செய்துள்ளனர். அவர்களது செயற்பாடுகளை நியாயப்படுத்த அல்குர்ஆனிலோ ஹதீஸிலோ எந்தவொரு அனுமதியும் கிடையாது. இது தொடர்பான பூரணமான விளக்கம் முஸ்லிம் சமய பண்பாட்டலுவல்கள் திணைக்களத்தின் ஒத்துழைப்புடன், அகில இலங்கை ஜம்இய்யத்துல் உலமா வெளியிட்டுள்ள “மதத்தின் பெயரால் தீவிரவாதம் வேண்டாம்” என்ற புத்தகத்தில் தெளிவாகக் குறிப்பிடப்பட்டுள்ளது. இவ்வாறான நெறி தவறிய தீவிரவாத சிந்தனைகளிலிருந்து முழு சமூகத்தையும் தேசத்தையும் பாதுகாத்துக் கொள்ள இவ்விடயத்தில் அவதானமாகவும் எச்சரிக்கையாகவும் இருக்குமாறு அனைத்து முஸ்லிம்களையும் கேட்டுக் கொள்கின்றோம். எல்லாம் வல்ல அல்லாஹ்வே யாவற்றையும் நன்கு அறிந்தவன்.

யஃஜுஜ் மஃஜுஜ் தொடர்பான மார்க்க விளக்கம்


2021.01.18
1442.06.04

அன்புடையீர்!
அஸ்ஸலாமு அலைக்கும் வறஹ்மதுல்லாஹி வபறகாத்துஹூ


எல்லாப் புகழும் அல்லாஹ்வுக்கே; சலாத்தும், ஸலாமும் அவனின் இறுதித் தூதர் முஹம்மத் சல்லல்லாஹூ அலைஹி வஸல்லம் அவர்கள் மீதும் அவர்கள் கிளையார்கள், தோழர்கள் மீதும் உண்டாவதாக!


யஃஜூஜ், மஃஜூஜ் என்பவர்கள் யாவர்? அவர்கள் வெளியாகிவிட்டனரா? உலக அழிவு நெருங்கிவிட்டதா? என்பன தொடர்பான கேள்விகள், பலர் மூலம் தொடராக வினப்படுகின்றன.


இவற்றைப்பற்றி அல் குர்ஆன் அஸ் ஸூன்னாவின் ஒளியில் தெளிவு பெறுவது பொருத்தமானதாகும். யஃஜூஜ், மஃஜூஜ் என்ற கூட்டத்தினர் வெளிப்படுவது மறுமையின் இறுதியாக நிகழும் பெரிய அடையாளங்களில் ஓர் அடையாளமாகும் என்பது அல்குர்ஆனில் சுருக்கமாகவும், ஆதாரபூர்வமான ஹதீஸ்களில் தெளிவாகவும் கூறப்பட்டுள்ளது.
இந்நிலையில் சிலர் தமது பகுத்தறிவு வாதங்களை முன்வைத்து, யஃஜுஜ் மஃஜுஜ் கூட்டத்தினர் வெளியாகிவிட்டனர் என்ற தவறான ஒரு பிரச்சாரத்தை முன்வைத்து, சமூகத்தில் வீணான குழப்பங்களை உண்டுபண்ணுகின்றனர். இவர்களின் இந்தப் போங்கு ஆதாரபூர்வமான பல நபிமொழிகளை மறுக்கும் நிலையை ஏற்படுத்தி, சமூகத்தை ஒரு பேராபத்தின் பக்கம் இட்டுச்செல்ல வழிவகுக்கும்.


யஃஜூஜ், மஃஜூஜ்; கூட்டத்தினர் மனிதர்களில் உள்ள ஒரு பிரிவினராவர். நபி நூஹ் அலைஹிஸ் ஸலாம் அவர்களின் புதல்வர்களில் ஒருவரான யாபிஸ் என்பவரது சந்ததியினராவர். அவர்கள் உலகில் பெரும் குழப்பங்களில் ஈடுபட்டதன் காரணமாக துல்கர்னைன் அலைஹிஸ் ஸலாம் அவர்கள் மூலம், அவர்கள் இருந்த இடத்திலிருந்து வெளிவர முடியாமல் பெரும் சுவர் கட்டப்பட்டு தடுக்கப்பட்டுள்ளனர்.


இதனை பின்வரும் அல் குர்ஆன் வசனம் உறுதி செய்கின்றது :

قَالُوْا يٰذَا الْقَرْنَيْنِ اِنَّ يَاْجُوْجَ وَمَاْجُوْجَ مُفْسِدُوْنَ فِى الْاَرْضِ فَهَلْ نَجْعَلُ لَكَ خَرْجًا عَلٰٓى اَنْ تَجْعَلَ بَيْنَـنَا وَبَيْنَهُمْ سَدًّا‏ (سورة الكهف : 94)


(யஃஜூஜ், மஃஜூஜ் கூட்டத்தினரால் துன்புறுத்தப்பட்ட) அவர்கள் “துல்கர்னைனே! நிச்சயமாக யஃஜூஜும், மஃஜூஜும் பூமியில் ஃபஸாது (குழப்பம்) செய்கிறார்கள்;. ஆதலால், எங்களுக்கும், அவர்களுக்குமிடையே ஒரு தடுப்பு(ச் சுவரை) நீர் ஏற்படுத்தித் தரும் பொருட்டு நாங்கள் உமக்கு ஒரு தொகையைத் தரலாமா?” என்று கேட்டார்கள். (அல் கஹ்ஃப் : 94).

فَمَا اسْطَاعُوْۤا اَنْ يَّظْهَرُوْهُ وَمَا اسْتَطَاعُوْا لَهٗ نَـقْبًا‏ قَالَ هٰذَا رَحْمَةٌ مِّنْ رَّبِّىْ‌ ۚ فَاِذَا جَآءَ وَعْدُ رَبِّىْ جَعَلَهٗ دَكَّآءَ‌ ۚ وَكَانَ وَعْدُ رَبِّىْ حَقًّا ‏ (سورة الكهف : 97-98)


எனவே, (யஃஜூஜ், மஃஜூஜ் கூட்டத்தார்) அதன் மீது ஏறவும் சக்தி பெறவில்லை; அதில் துவாரமிடவும் அவர்கள் சக்தி பெறவில்லை; இது என் இறைவனிடமிருந்துள்ள ஒரு கிருபையே ஆகும். (மறுமைநாள் ஏற்படும் என்ற) என் இறைவனுடைய வாக்குறுதி நிறைவேறும்போது, அவன் இதனையும் தூள் தூளாக்கி விடுவான். மேலும், என் இறைவனுடைய வாக்குறுதி (முற்றிலும்) உண்மையானதே என்று (துல்கர்னைன் அலைஹிஸ் ஸலாம் அவர்கள்) கூறினார். (அல் கஹ்ஃப் : 97-98).


இவ்வசனத்தில் (மறுமைநாள் பற்றிய அல்லாஹ்வுடைய) வாக்குறுதி நிறைவேறும்போது அச்சுவர் தரைமட்டமாக்கப்படும் எனக் கூறப்பட்டுள்ளது.
மேலும், அல் அன்பியாஃ என்ற அத்தியாயத்தில் பின்வருமாறு குறிப்பிடப்பட்டுள்ளது:


حَتّٰٓى اِذَا فُتِحَتْ يَاْجُوْجُ وَمَاْجُوْجُ وَهُمْ مِّنْ كُلِّ حَدَبٍ يَّنْسِلُوْنَ‏ وَاقْتَـرَبَ الْوَعْدُ الْحَـقُّ فَاِذَا هِىَ شَاخِصَةٌ اَبْصَارُ الَّذِيْنَ كَفَرُوْا ؕ يٰوَيْلَنَا قَدْ كُنَّا فِىْ غَفْلَةٍ مِّنْ هٰذَا بَلْ كُـنَّا ظٰلِمِيْنَ‏. (سورة الأنبياء : 97)


யஃஜூஜு, மஃஜூஜு (கூட்டத்தினர்) ஒவ்வொரு மேட்டிலிருந்தும் இறங்கிப் பரவும் படியாக, அவர்களுக்கு வழி திறக்கப்பட்டுவிட்டால், உண்மையான வாக்குறுதி (அதாவது மறுமை நாள்) நெறுங்கி விடும். (அதைக்காணும்) காஃபிர்களின் பார்வைகள் திறந்தபடியே நிலைகுத்தி நின்றுவிடும்; (அன்றியும் அவர்கள்) எங்களுக்கு கேடுதான்! நிச்சயமாக நாங்கள் இதை உதாசீனப் படுத்தியவர்களாகவே இருந்துவிட்டோம்; அது மட்டுமல்ல, நாம் அநியாயம் செய்தவர்களாகவும் இருந்து விட்டோம் (என்று கூறுவார்கள்). (அல்-அன்பியாஃ : 96,97).


இவ்வசனத்தில் யஃஜூஜ், மஃஜூஜ் கூட்டத்தினர், பூமியில் பரவும்படியாக அவர்களது தடுப்புச் சுவர் திறக்கப்பட்டுவிட்டால், அப்போது ‘உண்மையான வாக்குறுதி (அதாவது மறுமைநாள்) நெருங்கிவிடும்’ என்ற வாசகம் இடம் பெற்றுள்ளது.
இதன்மூலம் யஃஜூஜ், மஃஜூஜ் கூட்டத்தினர், வெளிவந்தவுடன், மிக அவசரமாக மறுமைநாள் வந்துவிடும் என்பது தெளிவாகின்றது.
இவ்வசனத்தில் இடம் பெற்றுள்ள “உண்மையான வாக்குறுதி” மறுமைநாள் தான் என்பதை பின்வரும் ஹதீஸ்கள் மற்றும் தப்ஸீர் கலை வல்லுனர்களின் விரிவுரைகள் தெளிவுபடுத்துகின்றன.


இந்த விடயத்தை விளங்கிக் கொள்வதற்கு முன் மார்க்கத்தின் சில அடிப்படைகளைப் புரிந்து கொள்வது அவசியமாகும்.

1. அல்லாஹ் அல் குர்ஆனை அரபுமொழியில் அருளியுள்ளான்; அரபுமொழி என்பது மிகவும் கருத்தாழமும் பொருற் செரிவும் கொண்ட வார்த்தைகளை உள்ளடங்கிய மொழியாகும்.

2. அல் குர்ஆனுக்கு சரியான தெளிவை வழங்க நபியவர்களின் (சொல், செயல், அங்கீகாரம்) எனும் ஸூன்னா ஆக்கப்பட்டுள்ளது.


وَأَنزَلْنَا إِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ إِلَيْهِمْ وَلَعَلَّهُمْ يَتَفَكَّرُونَ. (سورة النحل : 44)


(நபியே!) மனிதர்களுக்கு அருளப்பட்டதை நீர் அவர்களுக்கு தெளிவு படுத்துவதற்காகவும் அவர்கள் சிந்திப்பதற்காகவும் உமக்கு இவ்வேதத்தை நாம் அருளினோம். (அந்நஹ்ல் : 44).


3. அல் குர்அன் மற்றும் அஸ் ஸூன்னா ஆகியவை வஹிய்யாக இருப்பதனால், அவற்றில் ஒன்று மற்றறொன்றிற்கு மாற்றமாக இருக்க முடியாது; வெளிரங்கத்தில் ஏதேனும் ஒன்று மற்றொன்றிற்கு மாற்றமாக இருப்பது போன்று தென்பட்டால், அல் குர்ஆனின் ஒரு வசனம் மற்ற வசனத்திற்கு விளக்கமாக இருக்கும். அல்லது ஒரு வசனத்திற்கு ஹதீஸ்கள் விளக்கமாக இருக்கும்; ஹதீஸ்களிலும் அதுபற்றிய தெளிவு கிடைக்கப்பெறாவிட்டால், மார்க்கத்தில் ஏற்றுக் கொள்ளப்பட்டுள்ள ஏனைய மூலாதாரங்களின் ஊடாக அவற்றிற்குப் பொருத்தமான கருத்தை உறுதிமிக்க மார்க்க அறிஞர்களது கருத்தில் இருந்து விளங்கிக் கொள்ளல் வேண்டும்.

4. அல் குர்ஆன் வசனங்களுக்கு விரிவுரை செய்யும்போது கவனிக்க வேண்டிய பல நிபந்தனைகள் இருப்பதால், பிந்திய கால மார்க்க அறிஞர்கள் அத்தியாவசிய நிலையிலன்றி முஸ்லிம் உம்மத்தால் ஏற்றுக் கொள்ளப்பட்ட சஹாபாக்கள், தாபிஈன்கள், மற்றும் ஆரம்பகால தப்ஸீர்கலை வல்லுனர்களின் கூற்றுக்களை அடிப்படையாகக் கொண்டே விளக்கம் கொடுத்து வந்துள்ளனர்.

5. மார்க்கத்தில் ஏற்றுக் கொள்ளப்பட்ட எந்த ஓர் ஆதாரமுமின்றி ஒருவர் தனது சுயசிந்தனை மற்றும் மனோஇச்சைப்படி அல் குர்ஆன், அஸ் ஸூன்னாவிற்கு கருத்துக் கூறுவதும், விளக்கமளிப்பதும் மார்க்கத்திற்கு முற்றிலும் முரணானதும் ஆபத்தானதும் தடுக்கப்பட்டதுமாகும்.

6. உறுதி மிக்க மார்க்க அறிஞர்களால் ஏற்றுக் கொள்ளப்பட்ட அல் குர்ஆன் விரிவுரைகளில் முக்கிய இடம்வகிக்கும் தப்ஸீர் அல் குர்துபீ, தப்ஸீர் இப்னு கஸீர், தப்ஸீர் அல்கபீர், தப்ஸீர் அல் பைழாவி மற்றும் தப்ஸீர் ஸாதுல் மஸீர் போன்றவற்றைக் குறிப்பிடலாம்.இவற்றை அடிப்படையாகக் கொண்டே பிற்காலத்தில் பல அல் குர்ஆன் விளக்கவுரைகள் எழுதப்பட்டுள்ளன.


எனவே, மேற்கூறப்பட்ட அடிப்படைகளைக் கருத்திற் கொண்டே மேற்கண்ட வசனங்களுக்கும் தெளிவுபெற வேண்டும்.
அந்தடிப்படையில், யஃஜூஜ் மஃஜூஜ் கூட்டத்தினரின் வருகை பற்றிய உறுதியான நபி மொழிகளில், அவர்கள் உலக முடிவு ஏற்பட நெருங்கும் போது, நபி ஈஸா அலைஹிஸ் ஸலாம் அவர்கள் பூமிக்கு வருகை தந்து, நூஹ் அலைஹிஸ்ஸலாம் அவர்கள் தொட்டும் நபி ல்லல்லாஹூ அலைஹி வஸல்லம் அவர்கள் வரைக்கும் எச்சரிக்கப்பட்டு வந்த தஜ்ஜாலின் குழப்பங்கள் முடிவுற்ற பின்னரே இக்கூட்டத்தார் வெளிவருவர் என்ற விடயம் உறுதிப்படுத்தப்பட்டுள்ளது.


அவ்வாறான சில ஹதீஸ்கள் பின்வருமாறு :
முதலாவது : ஸஹீஹூ முஸ்லிமில் இடம் பெறும் ஹதீஸ்.


عن النواس بن سمعان ، قال : ذكر رسول الله صلى الله عليه وسلم الدجال ذات غداة ، فخفض فيه ورفع ، حتى ظنناه في طائفة النخل، فلما رحنا إليه عرف ذلك فينا ، فقال : " ما شأنكم؟ " قلنا : يا رسول الله ، ذكرت الدجال غداة ، فخفضت فيه ورفعت.... فيطلبه حتى يدركه بباب لد فيقتله ، ثم يأتي عيسى ابن مريم قوم قد عصمهم الله منه ، فيمسح عن وجوههم ، ويحدثهم بدرجاتهم في الجنة ، فبينما هو كذلك إذ أوحى الله إلى عيسى : إني قد أخرجت عبادا لي لا يدان لأحد بقتالهم ، فحرز عبادي إلى الطور . ويبعث الله يأجوج ومأجوج ، وهم من كل حدب ينسلون….. (صحيح مسلم – رقم الحديث: 2937 - بَابُ ذِكْرِ الدَّجَّالِ وَصِفَتِهِ وَمَا مَعَهُ – تبويب الإمام النووي رحمه الله)


பின்னர் ஈஸா அலைஹிஸ் ஸலாம் அவர்கள் தஜ்ஜாலைத் தேடிச் செல்வார்கள்; இறுதியில், பாபு லுத்து எனும் இடத்தில் அவனைக் கண்டு, அவனைக் கொன்றொழிப்பார்கள். பின்னர் தஜ்ஜாலிடமிருந்து அல்லாஹ் காப்பாற்றிய ஒரு சமுதாயத்தார் மர்யமின் மைந்தர் ஈஸா அலைஹிஸ் ஸலாம் அவர்களிடம் வருவார்கள். அவர்களின் முகங்களை அவர் தடவிக் கொடுத்துச் சொர்க்கத்தில் அவர்களுக்குக் கிடைக்கவிருக்கும் படித்தரங்கள் குறித்து அவர்களுக்குத் தெரிவிப்பார். இதற்கிடையே, ஈஸா அலைஹிஸ் ஸலாம் அவர்களுக்கு அல்லாஹ், நான் என் அடியார்கள் சிலரை வெளிவரச் செய்துள்ளேன். அவர்களுடன் போரிட யாருக்கும் ஆற்றல் கிடையாது. எனவே, (முஸ்லிமான) என் அடியார்களை தூர் மலைக்கு அழைத்துச் சென்று பாதுகாப்பாக வையுங்கள் என்று வஹீ அறிவிப்பான். பின்னர், அல்லாஹ் யஃஜூஜ், மஃஜூஜ் கூட்டத்தாரை அனுப்புவான். அவர்கள் ஒவ்வோர் உயரமான பகுதியிலிருந்தும் வேகமாக(க் கீழே இறங்கி) வருவார்கள்.
(ஸஹீஹ{ முஸ்லிம் :2937 – பாடம் : தஜ்ஜால்).


குறித்த ஹதீஸில், ஈஸா அலைஹிஸ் ஸலாம் அவர்களினால் தஜ்ஜால் அழிக்கப்பட்ட பின்னர், அவர்கள் உலகில் வசிக்கும் காலத்தில் யஃஜூஜ், மஃஜூஜ் கூட்டத்தினர் வெளியாகுவார்கள் என்பது தெளிவாகின்றது.


இரண்டாவது : முஸ்னத் அஹ்மதில் இடம்பெறும் ஹதீஸ்.


عَنِ ابْنِ مَسْعُودٍ رضي الله عنه، عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ: " لَقِيتُ لَيْلَةَ أُسْرِيَ بِي إِبْرَاهِيمَ، وَمُوسَى، وَعِيسَى "، قَالَ: " فَتَذَاكَرُوا أَمْرَ السَّاعَةِ، فَرَدُّوا أَمْرَهُمْ إِلَى إِبْرَاهِيمَ، فَقَالَ: لَا عِلْمَ لِي بِهَا، فَرَدُّوا الْأَمْرَ إِلَى مُوسَى، فَقَالَ: لَا عِلْمَ لِي بِهَا، فَرَدُّوا الْأَمْرَ إِلَى عِيسَى، فَقَالَ : أَمَّا وَجْبَتُهَا، فَلَا يَعْلَمُهَا أَحَدٌ إِلَّا اللهُ، ذَلِكَ وَفِيمَا عَهِدَ إِلَيَّ رَبِّي عَزَّ وَجَلَّ أَنَّ الدَّجَّالَ خَارِجٌ، قَالَ: وَمَعِي قَضِيبَينِ ، فَإِذَا رَآنِي، ذَابَ كَمَا يَذُوبُ الرَّصَاصُ، قَالَ: فَيُهْلِكُهُ اللهُ، حَتَّى إِنَّ الْحَجَرَ، وَالشَّجَرَ لَيَقُولُ: يَا مُسْلِمُ، إِنَّ تَحْتِي كَافِرًا، فَتَعَالَ فَاقْتُلْهُ، قَالَ: فَيُهْلِكُهُمُ اللهُ، ثُمَّ يَرْجِعُ النَّاسُ إِلَى بِلَادِهِمْ وَأَوْطَانِهِمْ، قَالَ: فَعِنْدَ ذَلِكَ يَخْرُجُ يَأْجُوجُ، وَمَأْجُوجُ، وَهُمْ مِنْ كُلِّ حَدَبٍ يَنْسِلُونَ، فَيَطَئُونَ بِلَادَهُمْ، لَا يَأْتُونَ عَلَى شَيْءٍ إِلَّا أَهْلَكُوهُ، وَلَا يَمُرُّونَ عَلَى مَاءٍ إِلَّا شَرِبُوهُ، ثُمَّ يَرْجِعُ النَّاسُ إِلَيَّ فَيَشْكُونَهُمْ، فَأَدْعُو اللهَ عَلَيْهِمْ، فَيُهْلِكُهُمُ اللهُ وَيُمِيتُهُمْ، حَتَّى تَجْوَى الْأَرْضُ مِنْ نَتْنِ رِيحِهِمْ، قَالَ: فَيُنْزِلُ اللهُ عَزَّ وَجَلَّ الْمَطَرَ، فَتَجْرُفُ أَجْسَادَهُمْ حَتَّى يَقْذِفَهُمْ فِي الْبَحْرِ " قَالَ أَبِي: " ذَهَبَ عَلَيَّ هَاهُنَا شَيْءٌ لَمْ أَفْهَمْهُ، كَأَدِيمٍ "، وَقَالَ يَزِيدُ يَعْنِي ابْنَ هَارُونَ: " ثُمَّ تُنْسَفُ الْجِبَالُ، وَتُمَدُّ الْأَرْضُ مَدَّ الْأَدِيمِ " ثُمَّ رَجَعَ إِلَى حَدِيثِ هُشَيْمٍ، قَالَ: " فَفِيمَا عَهِدَ إِلَيَّ رَبِّي عَزَّ وَجَلَّ: أَنَّ ذَلِكَ إِذَا كَانَ كَذَلِكَ، فَإِنَّ السَّاعَةَ كَالْحَامِلِ الْمُتِمِّ، الَّتِي لَا يَدْرِي أَهْلُهَا مَتَى تَفْجَؤُهُمْ بِوِلَادَتِهَا لَيْلًا أَوْ نَهَارًا ". (مسند أحمد : 3556)


இஸ்ராவுடைய இரவில் நான் இப்ராஹீம் அலைஹிஸ் ஸலாம், மூஸா அலைஹிஸ் ஸலாம், மற்றும் ஈஸா அலைஹிஸ் ஸலாம் ஆகியோரை சந்தித்தேன். நபி ஸல்லல்லாஹூ அலைஹி வஸல்லம் அவர்கள் கூறினார்கள்: மறுமைநாள் விடயமாக அவர்கள் பேசிக் கொண்டிருந்தார்கள். அந்த விடயத்தை இப்ராஹீம் அலைஹிஸ் ஸலாம் அவர்களிடம் கேட்டார்கள். இப்ராஹீம் அலைஹிஸ் ஸலாம் அவர்கள், எனக்கு அது சம்பந்தமான அறிவு கிடையாது என்று கூற, பின்னர் அதனை மூஸா அலைஹிஸ் ஸலாம் அவர்களிடம் கேட்டார்கள். அதற்கு மூஸா அலைஹிஸ் ஸலாம் அவர்கள் எனக்கு அது சம்பந்தமான அறிவு கிடையாது என்று கூறினார்கள்.
பின்னர் ஈஸா அலைஹிஸ் ஸலாம் அவர்களிடம் கேட்டார்கள். அதற்கு ஈஸா அலைஹிஸ் ஸலாம் அவர்கள் அது எப்போது உண்மையாக நிகழும் என்று அல்லாஹ்வைத் தவிர வேறு யாருக்கும் தெரியாது; அவ்விடயத்தில் அல்லாஹூ தஆலா எனக்கு வாக்குறுதியளித்ததாவது, நிச்சயமாக தஜ்ஜால் வெளியாகக்கூடியவன்; என்னிடம் இரண்டு தடிகள் இருக்கும்; அவன் என்னைக் கண்டால், ஈயம் கரைவதைப் போன்று கரைந்துவிடுவான் என்று ஈஸா அலைஹிஸ் ஸலாம் அவர்கள் கூறிவிட்டு, அல்லாஹ் அவனை அழித்துவிடுவான்….
ஈஸா அலைஹிஸ் ஸலாம் அவர்கள் கூறினார்கள்: அந்த நேரத்தில் யஃஜுஜ், மஃஜுஜ் கூட்டத்தினர் எல்லாப் பக்கங்களிலிருந்தும் மேட்டுப் பகுதியிலிருந்து வெளியாகுவார்கள். அவர்கள் அவர்களது ஊர்களை கடந்து செல்வார்கள்; அவர்கள் செல்லக்கூடிய இடங்களில் இருக்கக்கும் அனைத்தையும் அழித்துவிடுவார்கள். மேலும், தண்ணீரைக் கடந்து சென்றால், அதனையும் குடித்துவிடுவார்கள். பின்னர் மனிதர்கள் என்பக்கம் திரும்பி அவர்களைப் பற்றி முறைப்பாடு செய்வார்கள்; நான் அல்லாஹூ தஆலாவிடத்தில் அவர்களுக்கு எதிராக துஆ செய்வேன்; அல்லாஹூ தஆலா அவர்களை அழித்துவிடுவான். மேலும், அல்லாஹூ தஆலா, அவர்களை இறக்கச் செய்வான். அவர்களது துர்வாடை காரணமாக பூமி துர்நாற்றமுடையதாக ஆகிவிடும்.


அதன்பிறகு அல்லாஹூ தஆலா மழை பொழியச் செய்து, அவர்களது உடம்புகளை அம்மழை இழுத்துச் சென்று கடலில் போட்டுவிடும் என்று ஈஸா அலைஹிஸ் ஸலாம் அவர்கள் கூறினார்கள். அறிவிப்பாளர் இப்னு ஹாரூன் ரஹிமஹூல்லாஹ் அவர்கள் குறிப்பிடுகின்றார்கள்; பின்னர் மலைகள் தூசியாக மாற்றப்பட்டு, பூமி ஒரு தோலைப் போன்று நீட்டப்படும்.


இவ்வடையாளங்கள் எனக்கு அல்லாஹ் வாக்குறுதியளித்தவற்றில் உள்ளவைதான். இவ்வாறு நிகழ்ந்துவிடும் போது, மறுமைநாள் நிகழ்வது முற்றிலும் நெருங்கியிருக்கும்; அந்நேரம் நிறைமாதக் கற்பிணி, இரவிலா அல்லது பகலிலா எப்பொழுது குழந்தையை ஈன்றெடுப்பாள் என்று கூடத் தெரியாதவளாக இருப்பாள் என்று நபி ஸல்லல்லாஹூ அலைஹி வஸல்லம் அவர்கள் கூறியதாக இப்னு மஸ்ஊத் றழியல்லாஹூ அன்ஹூ அவர்கள் அறிவிக்கின்றார்கள்.
(முஸ்னத் அஹமத் : 3556).


இந்த ஹதீஸிலும், யஃஜுஜ் மஃஜுஜ் கூட்டத்தினர், ஈஸா அலைஹிஸ் ஸலாம் அவர்களினால், தஜ்ஜால் கொல்லப்பட்டதன் பின்னரே வெளியாவர் என்றும் இவை நடந்து முடிந்தவுடன் நிறைமாதக் கற்பிணி தீடீரென குழந்தை பிரசவிப்பது போன்று கியாமம் திடீரென ஏற்பட்டு விடும் என்பது தெளிவாகின்றன.
மேற்குறித்த இரண்டு நபிமொழிகளும், யஃஜூஜ், மஃஜூஜ் கூட்டத்தினர் இன்னும் வெளியாகவில்லை; மாறாக அவர்கள் நபி ஈஸா அலைஹிஸ் ஸலாம் அவர்கள் வானிலிருந்து இறங்கிய பின்னரே வெளியாவர் என்பதைத் தெளிவாகக் குறிப்பிடுகின்றன. இவ்விரு ஹதீஸ்களும் ஆதாரபூர்வமானவையாகும்.


இவ்வாறான நபி மொழிகளை அடிப்படையாகக் கொண்டு, அல் கஹ்ஃப் அத்தியாயத்தில் கூறப்பட்டும், “எனது இரட்சகனின் வாக்கு” என்பது மறுமை நாளையே குறிக்கின்றது என மேற்குறிப்பிட்ட அல் குர்ஆன் விரிவுரையாளர்கள் குறிப்பிட்டுள்ளனர். அதுவே அல் அன்பியாஃ எனும் அத்தியாயத்திலும் தெளிவாக வந்துள்ளதெனவும் உறுதியிட்டுள்ளனர்.
இது சம்பந்தமாக இமாம் இப்னு கஸீர் றஹிமஹூல்லாஹ் அவர்கள் பின்வருமாறு விளக்கமளித்துள்ளார்கள்:


(فَإِذَا جَاءَ وَعْدُ رَبِّي) أي : إذا اقترب الوعد الحق. (تفسير ابن كثير)


இரு அத்தியாயங்களிலும் குறிப்பிடப்பட்டுள்ள "வாக்கு" என்பது ஒரே தினத்தையே குறிக்கின்றது.
மேலும், பிரபல தஃப்ஸீர் கலை வல்லுனர் இமாம் அபூ ஜஃபர் அத்தபரீ றஹிமஹூல்லாஹ் அவர்கள் இதனைப் பற்றிக் குறிப்பிடும் போது பின்வருமாறு குறிப்பிட்டுள்ளார்கள்:


حَتَّىٰ إِذَا فُتِحَتْ يَأْجُوجُ وَمَأْجُوجُ وَاقْتَـرَبَ الْوَعْدُ الْحَـقُّ وذلك وعد الله الذي وعد عباده أنه يبعثهم من قبورهم للجزاء والثواب والعقاب. ( تفسير الطبري)


யஃஜூஜ், மஃஜூஜ் கூட்டத்தினர் திறக்கப்பட்டால் உண்மையான வாக்கு நெருங்கி விட்டது. அதுதான் அல்லாஹ் அடியார்களை கேள்விகணக்குக்காக எழுப்பும் மறுமைநாளாகும்.


فأما الْوَعْدُ الْحَقُّ فهو القيامة ( زاد المسير في علم التفسير)


உண்மையான வாக்குறுதி என்பது, மறுமைநாளாகும்; என்று இமாம் இப்னுல் ஜவ்ஸீ றஹிமஹூல்லாஹ் அவர்கள் "ஸாதுல் மஸீர் பீஇல்மித் தப்ஸீர்" என்ற தப்ஸீரில் குறிப்பிடுகின்றார்கள்.


இலங்கையிலும் உலகத்தில் பல நாடுகளிலும் மத்ரஸா மாணவர்களுக்கு தப்ஸீர் பாடத்தில் பிரதானமான நூலாகிய, தப்ஸீர் அல் ஜலாலைன் என்ற நூலில் பின்வருமாறு விளக்கமளிக்கப்பட்டடுள்ளது:


فَإِذَا جَاءَ وَعْدُ رَبِّي بخروجهم القريب من البعث جعله دكا. ( تفسير الجلالين)


மக்கள் மண்ணறைகளில் இருந்து எழுப்பப்படும் மறுமைக்கு நெருக்கமாக அவர்கள் வெளியாகுவதைக் கொண்டு எனது இரச்சகனின் வாக்கு வந்து விட்டால் அதனைத் தரைமட்டமாக்கிவிடுவான்.


இக்கருத்தே உறுதியான எல்லா தப்ஸீர்களிலும் கூறப்பட்டுள்ள கருத்தாகும். இதற்கு மாற்றமாக யஃஜூஜ், மஃஜூஜ் கூட்டத்தினர் வெளியாகிவிட்டனர் என்றும் அவர்கள் குறித்த நாட்டைச் சேர்ந்தவர்கள் என்றும் சிலர் கூறுவது இவ்வசனங்களின் கருத்தை தவறாகப் புரிந்து கொண்டமையாகும்.


யஃஜூஜ், மஃஜூஜ் கூட்டத்தினர் வெளியாகிவிட்டனர் என்று கூறுபவர்களுக்கு இவ்வாறான சந்தேகம் ஏற்படுவதற்கான காரணங்களாக பின்வரும் விடயங்களைக் காணலாம் :


1. அல் அன்பியாஃ என்ற அத்தியாயத்தில் வந்துள்ள “புதிஹத் யஃஜூஜூ” என்பதற்கு முன்னுள்ள வசனத்திற்கு பிழையாகக் கருத்துக் கொடுத்தமை, அவ்வசனம் பின்வருமாறு.


وَ حَرٰمٌ عَلٰى قَرْيَةٍ اَهْلَكْنٰهَاۤ اَنَّهُمْ لَا يَرْجِعُوْنَ‏. (سورة الأنبياء : 95)


நாம் எவ்வூரார்களை அழித்து விட்டோமோ அவர்கள் (திரும்பவும் இவ்வுலகம் வருவது) தடுக்கப்பட்டுள்ளது. நிச்சயமாக அவர்கள் திரும்ப மாட்டார்கள்.
இங்கு கூறப்பட்டுள்ள ஊர் என்பது இஸ்ரேல் என்பதாக பொருள் கொண்டு அவ்வூர் ஏற்கனவே அளிக்கப்பட்டுவிட்டது. யஃஜூஜ், மஃஜூஜ் திறக்கப்படும் வரை அவர்களால் திரும்ப முடியாது. இப்போது அவர்கள் திரும்பி வந்துள்ளனர். எனவே, யஃஜூஜ், மஃஜூஜ் வந்து விட்டனர் என வாதிடுகின்றனர்.


இது முற்றிலும் பிழையான வாதமாகும். இந்த வசனத்தில் இஸ்ரேலைப்பற்றியோ யூதக் குடியேற்றத்தைப் பற்றியோ எக்குறிப்பும் கூறப்படவில்லை; மாறாக இதற்கு இப்னு இப்பாஸ் றழியல்லாஹூ அன்ஹூ அவர்கள் கூறும் விளக்கம் பின்வருமாறு:


حرام علي قرية قال ابن عباس رضي الله عنه : وجب يعني قد قدر أن أهل كل قرية أهلكوا أنهم لايرجعون الي الدنيا قبل يوم القيامة (تفسير ابن كثير)


ஏவ்வூர் மக்களை அல்லாஹ் அவர்களின் பாவத்தின் காரணமாக அழித்து விட்டானோ, அவர்கள் மறுமைநாள் வரை திரும்பவும் உயிர் பெற்று உலகிற்கு வர முடியாது.
எனவே, யஃஜுஜ், மஃஜுஜ் கூட்டத்தினர் வந்து, உலகம் முடிந்த பின்னரேயே அவர்கள் (அவ்வூர் மக்கள்) கேள்வி கணக்குக்காக வருவார்கள் என்பதே இவ்வசனத்தில் கூறப்பட்டுள்ளது. இதற்கு இஸ்ரேல் எனப் பொருள் கொள்வது முற்றிலும் பிழையாகும்.


2. பின்வரும் நபிமொழியையும் தமது வாதத்திற்கு ஆதாரமாகக் கொள்கின்றனர்.


عَنْ زَيْنَبَ بِنْتِ جَحْشٍ، رَضِيَ اللَّهُ عَنْها أَنَّ النَّبِيَّ صَلَّى اللهُ عَلَيْهِ وَسَلَّمَ، دَخَلَ عَلَيْهَا فَزِعًا يَقُولُ: «لاَ إِلَهَ إِلَّا اللَّهُ، وَيْلٌ لِلْعَرَبِ مِنْ شَرٍّ قَدِ اقْتَرَبَ، فُتِحَ اليَوْمَ مِنْ رَدْمِ يَأْجُوجَ وَمَأْجُوجَ مِثْلُ هَذِهِ» وَحَلَّقَ بِإِصْبَعِهِ الإِبْهَامِ وَالَّتِي تَلِيهَا، قَالَتْ زَيْنَبُ بِنْتُ جَحْشٍ فَقُلْتُ يَا رَسُولَ اللَّهِ: أَنَهْلِكُ وَفِينَا الصَّالِحُونَ؟ قَالَ: «نَعَمْ إِذَا كَثُرَ الخَبَثُ» (صحيح البخاري - بَابُ قِصَّةِ يَأْجُوجَ، وَمَأْجُوجَ. رقم الحديث : 3346)


நபி ஸல்லல்லாஹூ அலைஹி வஸல்லம் அவர்களின் மனைவியரில் ஒருவரான ஸைனப் பின்த் ஜஹ்ஷ் றழியல்லாஹூ அன்ஹா அவர்கள் அறிவிக்கின்றார்கள். நபி ஸல்லல்லாஹூ அலைஹி வஸல்லம் அவர்கள் (ஒருமுறை) என்னிடம் நடுக்கத்துடன் வந்து, 'வணக்கத்திற்குரியவன் அல்லாஹ்வைத் தவிர வேறெவருமில்லை; நெருங்கிவிட்ட ஒரு தீமையின் காரணத்தால் அரபுகளுக்குக் கேடு நேரவிருக்கிறது. இன்று யஃஜூஜ் மஃஜூஜ் கூட்டத்தாரின் தடைச் சுவர் இதைப் போல் திறக்கப்பட்டுவிட்டது” என்று தம் கட்டை விரலையும் அதற்கடுத்துள்ள விரலையும் இணைத்து வளையமிட்டுக் காட்டியபடி கூறினார்கள். உடனே, நான் 'இறைத்தூதர் அவர்களே! நம்மிடையே நல்லவர்கள் இருக்க, நாம் அழிந்துவிடுவோமா?” என்று கேட்டேன். அதற்கு நபி ஸல்லல்லாஹூ அலைஹி வஸல்லம் அவர்கள் 'ஆம்; தீமை பெருகிவிட்டால்..” என்று பதிலளித்தார்கள்.
(ஸஹீஹூல் புகாரி - யஃஜுஜ் மஃஜுஜ் பற்றிய பாடம். ஹதீஸ் இலக்கம் : 3346)


இந்த நபிமொழியில் யஃஜுஜ், மஃஜூஜ் மீது கட்டப்பட்டுள்ள அணையிலிருந்து இச்சிறிய அளவு துவாரம் நபியுடைய காலத்திலேயே ஏற்பட்டுவிட்டதெனில் இப்போது அது பெரிதாகி அவர்கள் வெளிப்பட்டிருக்க வேண்டுமென சுயவியாக்கியானம் கூறுகின்றனர்.


எனினும், இதற்கு ஹதீஸ் கலை வல்லுனர்கள் கூறும் கருத்தாவது:


المراد أنه يكن في ذلك الردم ثقبة الي اليوم وقد انفتحت فيه اذ انفتاحها من علامات قرب الساعة فاذا اتسعت خرجوا وذلك بعد خروج الدجال (مرقاة المفاتيح شرح مشكاة المصابيح - بَابُ الْبُكَاءِ وَالْخَوْفِ)


இமாம் முல்லா அலி காரீ ரஹிமஹூல்லாஹ் அவர்கள் கூறுவதாவது; அந்நேரத்தில் ஏற்பட்ட அச்சிறிய துவாரம் இன்று வரை அப்படியே இருக்கிறது. அது விசாலமானால் அவர்கள் வெளியாவார்கள்; அது தஜ்ஜால் வெளியான பின்னர் ஏற்படும்.
(மிர்காத்துல் மபாதீஹ் ஷர்ஹூ மிஷ்காத்தில் மஸாபீஹ்)


பிற்காலத்தில் வந்த மார்க்க அறிஞர்களில் சிலர், பெரும்பாலான மார்க்க அறிஞர்களின் கருத்துக்கு மாற்றமாக, அவ்வணைக்கட்டு உடைந்துவிட்டது என்ற கருத்தில் இருந்தாலும் கூட, ஹதீஸில் மறுமைநாளின் இறுதிப் பெரிய அடையாளமாகக் கூறப்பட்டிருக்கும் யஃஜுஜ், மஃஜுஜ் இன்னும் வெளியாகவில்லை; அவர்கள் தஜ்ஜாலின் வருகைக்குப் பின்னரே வெளியாவர் என்றே உறுதியாகக் கூறுகின்றனர். எனவே, அவ்வணைக்கட்டு உடைந்துவிட்டது என்று கூறும் ஓரிரு அறிஞர்களின் கூற்றைத் தவறாகப் புரிந்து கொண்டு, இக்காலத்தில் சிலர் யஃஜுஜ், மஃஜுஜ் கூட்டத்தினர் வெளியாகிவிட்டனர் என்று நம்புவது அல்லது வாதம்புரிவது முற்றிலும் தவறானவையாகும்.


3. மனிதன் முன்னேறி, பூமியின் மூளைமுடுக்கெல்லாம் அவனது விரல் நுனியில் இருக்கும் காலத்தில், இவ்வாறான ஓர் அணை கண்டுபிடிக்கப் படவில்லையெனில் அது உடைந்துபோய் இருக்க வேண்டும் என வாதிடுகின்றனர்.
இவர்களின் இக்கூற்று யதார்த்தத்திற்கு முற்றிலும் மாறானதாகும்.


மனிதர்களது அறிவு ஆற்றலில் எவ்வளவுதான் உயர்ந்திருந்தாலும், மனித பலவீனத்துடனேயே அவன் படைக்கப்பட்டுள்ளான் என்பதைப் புரிந்து கொள்ள வேண்டும். முந்தைய விஞ்ஞானிகளால் கண்டறிய முடியாமற்போன பல்வேறு புதிய கண்டுபிடிப்புக்கள் பிறகு வந்தவர்களால் கண்டுபிடிக்கப் படுகின்றமையானது, மனித பலவீனத்திற்கு மிகத் தெளிவான சான்றாகும். கடல் மற்றும் சமுத்திரங்களில் விமானங்கள், கப்பல்களை இழக்கின்றனர். கடுமையான முயற்சிகள் மேற் கொண்ட போதிலும் அவர்களால் எத்தடயங்களையும் கண்டு பிடிக்க முடியாமல் போய்விடுகின்றன. அதே போன்று அமெரிக்கா போன்ற நாடும் கூட கண்டுபிடிக்கப்பட்டு ஆயிரம் வருடங்கள் கூட ஆகவில்லை என்று விஞ்ஞானிகள் கூறுவதும் குறிப்பிடத்தக்க விடயமாகும்.


முற்காலத்தில் வரண்டுபோய் காணப்பட்ட எத்தனையோ நிலங்கள் இன்று நீரில் மூழ்கிக்கிடக்கின்றன. அன்று காணப்பட்ட எத்தனையோ நகரங்கள் அடையாளமே தெரியாத அளவுக்கு இன்று அழிந்து விட்டன.இவ்வாறான நிலையில் நாம் அதனைக் காணவில்லை என்பதற்காக அதனை மறுப்பது அறிவுடமையாகாது.
மேற்குறித்த இந்த விடயங்களில் இருந்து தெளிவாவது யாதெனில், யஃஜுஜ், மஃஜுஜ் வெளியாகுவது மறுமையின்; பெரிய அடையாளங்களில் பிரதானமான ஒன்றாகும். அவர்கள் ஈஸா அலைஹிஸ் ஸலாம் அவர்கள் வெளியாகி, தஜ்ஜால் அழிக்கப்பட்டதன் பின்பே தோன்றுவர். தற்போது யஃஜுஜ், மஃஜுஜ் தோன்றிவிட்டனர்; அவர்கள் குறித்த பிரதேசத்தைச் சேர்ந்தவர்கள் என்று ஒரு பிரதேசத்தை அல்லது ஒரு கூட்டத்தினரைக் குறிப்பிட்டுக் கூறுவது உண்மைக்கு புறம்பானதாகும். இவ்வாறு யூகம் கூறுவதானது, அல் குர்ஆன், அஸ் ஸூன்னா மற்றும் பெரும்பாலான மார்க்க அறிஞர்களின் தெளிவான விளக்கங்களுக்கு முற்றிலும் முரணானதாகும்.


ஆகவே, குறித்த விடயம் வஹிய்யுடன் சம்பந்தப்பட்டதாகவும், எமது மட்டுப்படுத்தப்பட்டள்ள சிந்தனைக்கு அப்பாற்பட்டதாகவும் இருப்பதனால், இது போன்ற விடயங்களில் பகுத்தறிவுவாதத்தை பயன்படுத்துவதைத் தவிர்த்து, அல் குர்ஆன், ஹதீஸ்களில் கூறப்பட்டவற்றை அதற்குரிய நம்பத்தகுந்த உறுதிமிக்க அறிஞர்களின் கூற்றின் பிரகாரம் விளங்கிக் கொள்வதும் நம்புவதும் அவசியமாகும் என்பதுடன், எமது ஈமானுக்கும் பெரும் பாதுகாப்பாக இருக்கும்.


எல்லாம் வல்ல அல்லாஹ்வே நன்கு அறிந்தவன்.

 

 

 

அஷ்-ஷைக் எம்.எல்.எம் இல்யாஸ்                

செயலாளர், பத்வாக் குழு                        

அகில இலங்கை ஜம்இய்யத்துல் உலமா          

      

 அஷ்-ஷைக் ஐ. எல். எம். ஹாஷிம் சூரி

 மேற்பார்வையாளர் - பத்வாக் குழு

 அகில இலங்கை ஜம்இய்யத்துல் உலமா

 

அஷ்-ஷைக் எம்.ஐ.எம். ரிஸ்வி (முஃப்தி)

தலைவர்,           

அகில இலங்கை ஜம்இய்யத்துல் உலமா

 

Additional Info

  • பத்வா எண் ACJU/FTW/2021/002-417
  • உட்பட்டது யஃஜுஜ் மஃஜுஜ் தொடர்பான மார்க்க விளக்கம்
  • கேள்வி

    யஃஜுஜ் மஃஜுஜ் தொடர்பான மார்க்க விளக்கம்

  • Fatwa Summary யஃஜூஜ், மஃஜூஜ் என்பவர்கள் யாவர்? அவர்கள் வெளியாகிவிட்டனரா? உலக அழிவு நெருங்கிவிட்டதா? என்பன தொடர்பான கேள்விகள், பலர் மூலம் தொடராக வினப்படுகின்றன. இவற்றைப்பற்றி அல் குர்ஆன் அஸ் ஸூன்னாவின் ஒளியில் தெளிவு பெறுவது பொருத்தமானதாகும். யஃஜூஜ், மஃஜூஜ் என்ற கூட்டத்தினர் வெளிப்படுவது மறுமையின் இறுதியாக நிகழும் பெரிய அடையாளங்களில் ஓர் அடையாளமாகும் என்பது அல்குர்ஆனில் சுருக்கமாகவும், ஆதாரபூர்வமான ஹதீஸ்களில் தெளிவாகவும் கூறப்பட்டுள்ளது. இந்நிலையில் சிலர் தமது பகுத்தறிவு வாதங்களை முன்வைத்து, யஃஜுஜ் மஃஜுஜ் கூட்டத்தினர் வெளியாகிவிட்டனர் என்ற தவறான ஒரு பிரச்சாரத்தை முன்வைத்து, சமூகத்தில் வீணான குழப்பங்களை உண்டுபண்ணுகின்றனர். இவர்களின் இந்தப் போங்கு ஆதாரபூர்வமான பல நபிமொழிகளை மறுக்கும் நிலையை ஏற்படுத்தி, சமூகத்தை ஒரு பேராபத்தின் பக்கம் இட்டுச்செல்ல வழிவகுக்கும். யஃஜூஜ், மஃஜூஜ்; கூட்டத்தினர் மனிதர்களில் உள்ள ஒரு பிரிவினராவர். நபி நூஹ் அலைஹிஸ் ஸலாம் அவர்களின் புதல்வர்களில் ஒருவரான யாபிஸ் என்பவரது சந்ததியினராவர். அவர்கள் உலகில் பெரும் குழப்பங்களில் ஈடுபட்டதன் காரணமாக துல்கர்னைன் அலைஹிஸ் ஸலாம் அவர்கள் மூலம், அவர்கள் இருந்த இடத்திலிருந்து வெளிவர முடியாமல் பெரும் சுவர் கட்டப்பட்டு தடுக்கப்பட்டுள்ளனர்.

இஸ்லாமிய சட்டவாக்கம் மற்றும் மரணித்தவர்களின் உடல்களை பூமியில் அடக்கம் செய்வது தொடர்பான மார்க்க விளக்கம்

579

 

2021.01.16

1442.06.02

 

அன்புடையீர்!
அஸ்ஸலாமு அலைக்கும் வறஹ்மதுல்லாஹி வபறகாத்துஹூ


எல்லாப் புகழும் அல்லாஹ்வுக்கே; சலாத்தும், ஸலாமும் அவனின் இறுதித் தூதர் முஹம்மத் சல்லல்லாஹூ அலைஹி வஸல்லம் அவர்கள் மீதும் அவர்கள் கிளையார்கள், தோழர்கள் மீதும் உண்டாவதாக!


அல் குர்ஆன், அல் ஹதீஸ், அல் இஜ்மாஃ, அல் கியாஸ் ஆகிய நான்கும் இஸ்லாத்தின் சட்டவாக்க மூலாதாரங்களாகும். இவற்றை அடிப்படையாகக் கொண்டே புனித இஸ்லாம் மார்க்கத்தின் சட்டதிட்டங்கள் அமையப்பெறுகின்றன.

  • அல் குர்ஆன் என்பது அல்லாஹூ தஆலாவினால் இறக்கி வைக்கப்பட்ட வேதநூல்களில் இறுதி நூலாகும் என்பது முஸ்லிம்களின் அடிப்படைக் கோட்பாடாகும்.
  • அல் ஹதீஸ் என்பது நபி முஹம்மத் ஸல்லல்லாஹூ அலைஹி வஸல்லம் அவர்களின் சொல், செயல், மற்றும் அங்கீகாரம் என அன்னாரின் வழிகாட்டல்களாகும்.
  • அல் இஜ்மாஃ என்பது அல் குர்ஆன் மற்றும் அல் ஹதீஸின் ஒளியில் பெறப்பட்ட இஸ்லாமிய மார்க்க அறிஞர்களின், கருத்து வேற்றுமை காணப்படாத ஏகோபித்த தீர்வாகும்.
  • அல் கியாஸ் என்பது அவ்வப்போது ஏற்படும் நவீன விடயங்களை அல் குர்ஆன், அல் ஹதீஸின் ஆதாரங்களுடன் ஒப்பீடு செய்து தீர்வுகளை காணும் முறையாகும்.


இஸ்லாமிய மார்க்க சட்டவாக்கத்தைப் பொறுத்தவரையில், அல் குர்ஆன் முதலிடத்தை வகிக்கின்றது. அல் குர்ஆனின் சில வசனங்கள் மற்றைய சில வசனங்களுக்கு விளக்கமாக அமைந்துள்ளது. அதே போல் நபி ஸல்லல்லாஹூ அலைஹி வஸல்லம் அவர்களின் ஹதீஸ்களும் அல்குர்ஆனுக்கு விளக்கமாகும். அல் குர்ஆனில் விரிவாக சொல்லப்படாத விடயங்கள் ஹதீஸ்களின் மூலமாகவே விளங்கிக் கொள்ளல் வேண்டும். உதாரணமாக, அல் குர்ஆன் தொழுகை, நோன்பு, ஸகாத் மற்றும் ஹஜ்ஜு ஆகியவற்றை நிறைவேற்றுமாறு கட்டளையிட்டுள்ளது; எனினும், அவற்றை எவ்வாறு நிறைவேற்ற வேண்டும் என்ற விரிவான விளக்கமும் அவற்றுடன் தொடர்புபடும் உட்பிரிவு சட்டங்கள் பற்றியும் அதில் குறிப்பிடப்படவில்லை; ஹதீஸ்கள் ஊடாகவே அவற்றை விளங்கிக்கொள்ள வேண்டும். இதனைப் பின்வரும் வசனங்கள் உறுதிப்படுத்துகின்றன:


وَاَنْزَلْنَاۤ اِلَيْكَ الذِّكْرَ لِتُبَيِّنَ لِلنَّاسِ مَا نُزِّلَ اِلَيْهِمْ. (سورة النحل :44


அவ்வாறே இந்தக் குர்ஆனையும் (நபியே!) உங்களுக்கு இறக்கி வைத்தோம்; மனிதர்களுக்காக (உங்கள்மீது) இறக்கப்பட்ட இதை நீங்கள் அவர்களுக்குத் தெளிவாக விளக்கப்படுத்துவதற்காக (இறக்கிவைத்தோம்). (அந்நஹ்ல் : 44).


وَمَاۤ اٰتٰٮكُمُ الرَّسُوْلُ فَخُذُوْهُ وَ مَا نَهٰٮكُمْ عَنْهُ فَانْتَهُوْا‌ ۚ (سورة الحشر : 07)


மேலும், (நம்)தூதர் உங்களுக்கு எதைக் கொண்டுவந்தாரோ, அதை எடுத்துக் கொள்ளுங்கள்; இன்னும், எதை விட்டும் உங்களை விலக்குகின்றாரோ, அதை விட்டும் விலகிக் கொள்ளுங்கள். (அல் ஹஷ்ர் : 07).



يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنكُمْ ۖ فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا ((سورة النساء : 59)


நம்பிக்கை கொண்டவர்களே! அல்லாஹ்வுக்கு கீழ்படியுங்கள்;; இன்னும் (அல்லாஹ்வின்) தூதருக்கும், உங்களில் (நேர்மையாக) அதிகாரம் வகிப்பவர்களுக்கும் கீழ்படியுங்கள்; உங்களில் ஏதாவது ஒரு விஷயத்தில் பிணக்கு ஏற்படுமானால், மெய்யாகவே நீங்கள் அல்லாஹ்வையும், இறுதிநாளையும் நம்புபவர்களாக இருப்பின், அதை அல்லாஹ்விடமும், (அவன்) தூதரிடமும் ஒப்படைத்துவிடுங்கள்; இதுதான் (உங்களுக்கு) மிகவும் சிறப்பான, அழகான முடிவாக இருக்கும்.
(அந்நிஸா : 59).

அல் குர்ஆனை மக்களுக்கு தெளிவுபடுத்தும் பொறுப்பினை நபி முஹம்மத் ஸல்லல்லலாஹூ அலைஹி வஸல்லம் அவர்களுக்கு சாட்டப்பட்டுள்ளது என்பதுடன், அவர்களது ஏவல்களை எடுத்துநடத்தல்; அவர்களது விலக்கல்களை தவிர்ந்துநடத்தல் வேண்டும் என்பதையும் அல்குர்ஆன் தெளிவுபடுத்தியுள்ளது.


மேற்சொல்லப்பட்ட சட்டவாக்க மூலாதாரங்களின் அடிப்படையில், நேரடியாக அல் குர்ஆனில் ஒரு விடயத்திற்கான தீர்வு கிடைக்கப்பெறாத போது, அல் ஹதீஸில் பெற்றுக்கொள்ளப்படும். அதில் கிடைக்கப்பெறாத போது, முறையே அல் இஜ்மாஃ, அல் கியாஸ் போன்ற துணை மூலாதாரங்களில் இருந்து பெற்றுக்கொள்ளப்படும்; இதுவே, சட்டவாக்க முறைமையாகும். எந்த ஒரு விடயத்தையும் இம்முறைகளைப் பேணியே ஆரம்பகாலம் தொட்டு நடைமுறைப் படுத்தப்படுகின்றது.


அந்த வகையில், மரணித்த ஒருவரின் உடலை பூமியில் அடக்கம் செய்ய வேண்டும் என்பதையே அல் குர்ஆன், அல் ஹதீஸ், அல் இஜ்மாஃ, அல் கியாஸ் ஆகிய மூலாதாரங்கள் தெளிவாகக் குறிப்பிட்டுள்ளன.


அடக்கம் செய்வது பற்றிய அல் குர்ஆனின் வசனங்கள் :


1.   مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ ( سورة طه : 55)


இப்பூமியிலிருந்து நாம் உங்களைப் படைத்தோம்; அதனுள்ளேயே நாம் உங்களை மீட்டுவோம் இன்னும், அதிலிருந்தே நாம் உங்களை மீண்டும் வெளிப்படுத்துவோம். (தாஹா : 55).
இவ்வசனத்தில் “நீங்கள் மரணித்ததும் நாம் உங்களை பூமியினுள்ளே மீட்டுவோம்” என்று அல்லாஹ் கூறுவதன் மூலம், மரணித்த அனைவரும் பூமியின் பக்கம் மீட்டப்பட வேண்டும் என்ற கருத்தை அல்லாஹூ தஆலா குறிப்பிடுகின்றான்.


இக்கருத்தையே பின்வரும் வசமும் தெளிவுபடுத்துகின்றது :


2. قَالَ فِيْهَا تَحْيَوْنَ وَفِيْهَا تَمُوْتُوْنَ وَمِنْهَا تُخْرَجُوْن (سورة الأعراف : 25) 


“அதிலேயே நீங்கள் வாழ்வீர்கள், இன்னும் அதிலேயே நீங்கள் இறப்பீர்கள், (பின்னர் ஒரு நாளில்) அதிலிருந்தே நீங்கள் (மீண்டும் உயிர் கொடுத்து) வெளியாக்கப்படுவீர்கள்” என்று கூறினான். (அல் அஃறாப் : 25)


3. فَبَعَثَ اللَّهُ غُرَابًا يَبْحَثُ فِي الأَرْضِ لِيُرِيَهُ كَيْفَ يُوَارِي سَوْأَةَ أَخِيهِ (المائدة:31 )


பின்னர் தம் சகோதரரின் பிரேதத்தை (அடக்குவதற்காக) எவ்வாறு மறைக்க வேண்டுமென்பதை அவருக்கு அறிவிப்பதற்காக, அல்லாஹ் ஒரு காகத்தை அனுப்பினான். (அல் மாஇதா : 31).
இவ்வசனத்தில் அல்லாஹூ தஆலா, முதல் மனிதரும் முதலாவது நபியுமான ஆதம் அலைஹிஸ் ஸலாம் அவர்களின் புதல்வர்களில் ஒருவர் மரணித்த பொழுது, அவரது பிரேதத்தை என்ன செய்வது என்று அறியாமல் தவித்த அவரது சகோதரனுக்கு, மரணித்தவரின் உடலை பூமியில் அடக்கம்செய்ய வேண்டும் என்ற முறையை ஒரு காகத்தை அனுப்பி கற்றுக் கொடுத்துள்ளான். இதன்மூலம், உலகில் மரணித்த முதல் மனிதரே பூமியில் அடக்கம் செய்யப்பட்டுள்ளார் என்பது தெளிவாகின்றது.


4. ثُمَّ أَمَاتَهُ فَأَقْبَرَهُ (سورة عبس : 21)


“பின் அவனை மரணிக்கச் செய்து, அவனை கப்ரில் ஆக்குகிறான்”. (அபஸ : 21).
இந்த வசனத்தில் அல்லாஹூ தஆலா, ஒரு ஜனாஸா கப்ரில் அடக்கம் செய்யப்படுவதை, மரணித்தவருக்குச் செய்யும் ஒரு அருட்கொடையாகக் குறிப்பிடுகின்றான். உண்மையில் மரணித்தவருடைய உடலை பறவைகளுக்கோ, ஐவாய் மிருகங்களுக்கோ இரையாக ஆக்காமல் அல்லது அதன் துர்வாடையைக் கொண்டு மனிதர்கள் நோவினை பெறாமல், கப்ரில் அடக்கம் செய்யப்படுவதன் மூலம் அவரை அல்லாஹ் கண்ணியப்படுத்தியுள்ளான் என்ற கருத்தை தப்ஸீர்கலை வல்லுனர்கள் இந்த வசனத்திற்கு விளக்கமளித்துள்ளனர்.


5. أَلَمْ نَجْعَلِ الْأَرْضَ كِفَاتًا أَحْيَاءً وَأَمْوَاتًا. (سورة المرسلات : 25. 26)


“உயிருள்ளோரையும் மரணித்தோரையும் அரவணைக்கக் கூடியதாக நாங்கள் பூமியை ஆக்கவில்லையா?” அல்லாஹூ தஆலா பூமியின் மேற்பகுதியை உயிருள்ளவர்கள் வசிக்கும் இடமாகவும், அதன் கீழ்பகுதியை மரணித்தவர்களின் ஒதுங்கும் தளமாகவும் ஆக்கியுள்ளான்.
இந்த வசனமும் மரணித்தவரை பூமியில் நல்லடக்கம் செய்யவேண்டும் என்ற அவசியத்தையே வலியுறுத்துகின்றது.


அடக்கம் செய்வது பற்றி நபி ஸல்லல்லாஹூ அலைஹி வஸல்லம் அவர்களின் ஹதீஸ்கள் :


6. (عن أبي سعيدٍ الخُدْريِّ رضِيَ اللهُ عنه، أنَّ رسولَ اللهِ صلَّى الله عليه وسلَّم قال: اذهبوا، فادْفِنوا صاحِبَكم. (صحيح مسلم : 2236)


நபி ஸல்லல்லாஹூ அலைஹி வஸல்லம் அவர்கள் தனது தோழர்களிடம், நீங்கள் சென்று உங்களது தோழரை நல்லடக்கம் செய்யுங்கள் என்று கூறினார்கள். (ஸஹீஹ் முஸ்லிம் : 2236)


7. (عن جابرٍ رَضِيَ اللهُ عنه، أنَّ النبيَّ صلَّى الله عليه وسلَّم قال: ادفِنوا القَتْلى في مصارِعِهم. (سنن أبي داود : 8557)


நபி ஸல்லல்லாஹூ அலைஹி வஸல்லம் அவர்கள் உஹத் என்ற இடத்தில் ஷஹீதாக்கப்பட்டவர்களைக் குறித்து தம்தோழர்களிடம், அவர்கள் ஷஹீதாக்கப்பட்ட இடங்களிலேயே அவர்களை நல்லடக்கம் செய்து விடுங்கள் என்று கூறினார்கள்.
(ஸூனன் அபீ தாவூத் : 8557)

 

8. عَنْ عَلِيٍّ رضي الله عنه، قَالَ: لَمَّا مَاتَ أَبُو طَالِبٍ أَتَيْتُ النَّبِيَّ صَلَّى اللهُ عَلَيْهِ وَسَلَّمَ، فَقُلْتُ لَهُ إِنَّ عَمَّكَ الشَّيْخَ الضَّالَّ قَدْ مَاتَ، قَالَ: " اذْهَبْ فَوَارِهِ قُلْتُ: إِنَّهُ مَاتَ مُشْرِكًا، قَالَ: اذْهَبْ فَوَارِهِ وَلَا تُحَدِّثْ شَيْئًا حَتَّى تَأْتِيَنِي «، فَوَارَيْتُهُ ثُمَّ أَتَيْتُهُ فَقُلْتُ قَدْ وَارَيْتُهُ فَأَمَرَنِي فَاغْتَسَلْتُ» (سنن النسائي : 193)


நபி ஸல்லல்லாஹூ அலைஹி வஸல்லம் அவர்கள், அலி றழியல்லாஹூ அன்ஹூ அவர்களிடம் நீங்கள் சென்று, உங்கள் தந்தை அபூ தாலிப் அவர்களை அடக்கம் செய்வீராக என்று கூறினார்கள். (ஸூனன் நஸாஈ : 193)


மேற்கூறப்பட்ட ஹதீஸ்கள், மரணித்த ஒருவரை பூமியில் கட்டாயம் அடக்கம் செய்யப்பட வேண்டும் என்பதையே உணர்த்துகின்றன.


அல் குர்ஆனில், ஒருவர் மரணித்துவிட்டால் அவரை அடக்கம் செய்யவேண்டும் என்பதைத் தவிர வேறு எம்முறைகளும் கூறப்படவில்லை. அதேபோன்று நபி ஸல்லல்லாஹூ அலைஹி வஸல்லம் அவர்களின் ஹதீஸ்களில் தெளிவாகவும் நேரடியாகவும் “அடக்கம் செய்யுங்கள்” என்ற ஏவலே வந்துள்ளது.


பொதுவாக ஒரு விடயத்தை செய்யுமாறு ஏவப்படுவது, அதனை கட்டாயம் செய்யப்பட வேண்டும் என்பதையே குறிக்கின்றது. எனவே, இவ்விருமூலாதாரங்களை வைத்தே மார்க்க அறிஞர்கள் அடக்கம் மாத்திரமே செய்யப்பட வேண்டும் என்றும், அதற்கு மாற்றமாக வேறு ஒரு முறையை கையாள்வது மார்க்க அடிப்படையில் தடுக்கப்பட்ட (ஹராம்) ஆகும் என்றும் கூறியுள்ளனர்.


ஒரு விடயத்தைப் பற்றி ஏவல் வந்து விட்டால், அதற்கு எதிரான விடயம் தடுக்கப்பட்டது என விபரமாக வரவேண்டும் என்பது சட்டவாக்கத்தில் அவசியம் கிடையாது. ஏனெனில், அந்த ஏவலில், அதற்கு மாற்றமான விடயம் தடுக்கப்பட்டது என்பது உள்ளடங்கியுள்ளது.


அடக்கம் செய்வது பற்றி இஜ்மாஃ (இஸ்லாமிய அனைத்து மார்க்க அறிஞர்களின் ஒட்டுமொத்த தீர்ப்பு) :


மரணித்தவரை பூமியில் நல்லடக்கம் செய்வது கட்டாயம் என்பது மார்க்க அறிஞர்களின் ஏகோபித்த கருத்து என இமாம் இப்னுல் முன்திர், இமாம் அந் நவவி, இமாம் அல் மர்தாவீ, இமாம் இப்னுல் முலக்கின் மற்றும் இப்னுல் ஆபிதீன் றஹிமஹ{முல்லாஹ் போன்றோர் குறிப்பிட்டுள்ளார்கள்.


மேற்கண்ட மூலாதாரங்களின் அடிப்படையில், ஒரு முஸ்லிம் மரணித்துவிட்டால், அவரது உடலை பூமியில் அடக்கம் செய்வது அவசியமாகும் என்பது தெளிவாகின்றது. அடக்கம் செய்வதற்கு மாற்றமாக, அதனை எரிப்பதோ அல்லது எங்காவது வீசிவிடுவதோ மார்க்கத்தில் தடுக்கப்பட்ட பாவமான காரியமாகும்.


ஏனெனில், மனிதன் உயிருடன் இருக்கும் போது எவ்வாறு கண்ணியமானானோ, அதே போன்று மரணித்த பின்பும் அவன் கண்ணியப்படுத்தப்பட வேண்டியவனாவான். அல்லாஹூ தஆலா அல் குர்ஆனில் 'நாம் மனிதர்களைக் கண்ணியப்படுத்தியுள்ளோம்' என்று கூறுகின்றான். (அல் இஸ்ரா : 70)


'மரணித்தவரின் எலும்பை முறிப்பது, உயிருடன் இருப்பவரின் எலும்பை முறிப்பது போன்றாகும்.” என்று நபி ஸல்லல்லாஹூ அலைஹி வஸல்லம் அவர்கள் கூறியதாக ஆயிஷா றழியல்லாஹூ அன்ஹா அவர்கள் அறிவிக்கின்றார்கள். (ஸூனனு அபீதாவூத் : 3207)


அந்த அடிப்படையில், முஸ்லிமான ஒருவர் மரணித்துவிட்டால், அவரது உடலைக் குளிப்பாட்டி, கபன்செய்து, தொழுகைநடாத்தி, முஸ்லிம்களது மையவாடியில் கண்ணியமான முறையில் நல்லடக்கம் செய்வது முஸ்லிம்கள் மீது ‘பர்ளு கிபாயா’வாகும். இக்கடமைகளை முஸ்லிம்களில் சிலராவது கட்டாயம் நிறைவேற்ற வேண்டும். மார்க்கம் அனுமதித்திருக்கும் நிலைகளிலே தவிர இக்கடமைகளில் ஏதேனுமொன்று விடப்படுமேயானால், ஒட்டுமொத்த முஸ்லிம்கள் அனைவருமே அல்லாஹ்விடத்தில் குற்றவாளிகளாக ஆகிவிடுவார்கள்.


எனவே, ஒரு முஸ்லிம் மரணித்துவிட்டால் அவரை பூமியில் அடக்கம் செய்வதே இஸ்லாம் உலகில் தோன்றிய காலம் முதல் இன்றுவரை, இறுதிகாலம் வரைக்கும் உலகவாழ் அனைத்து முஸ்லிம்களினதும் நடைமுறையாகும்.


எல்லாம் வல்ல அல்லாஹ்வே நன்கு அறிந்தவன்.

 

அஷ்-ஷைக் எம்.எல்.எம் இல்யாஸ்              

செயலாளர், பத்வாக் குழு                        

அகில இலங்கை ஜம்இய்யத்துல் உலமா         

      

அஷ்-ஷைக் ஐ. எல். எம். ஹாஷிம் சூரி

மேற்பார்வையாளர் - பத்வாக் குழு

அகில இலங்கை ஜம்இய்யத்துல் உலமா

 

அஷ்-ஷைக் எம்.ஐ.எம். ரிஸ்வி (முஃப்தி)

தலைவர்,    

அகில இலங்கை ஜம்இய்யத்துல் உலமா

 

அஷ்-ஷைக் எம்.எஸ்.எம். தாஸீம்    

பதில் பொதுச் செயலாளர்,   

அகில இலங்கை ஜம்இய்யத்துல் உலமா 

                          

 

___________________________________________________________________________________________________________________________________________________________________________________________

[1]  قال ابن المنذر رحمه الله : (وأجمعوا على أنَّ دَفْنَ المَيِّت لازِمٌ واجِبٌ على النَّاسِ لا يَسَعُهم تَرْكُه عند الإمكانِ، ومن قام به منهم سقط فَرْضُ ذلك على سائِرِ المُسلمين). ((الإجماع)) (ص: 44).

قال النووي رحمه الله: (دَفْنُ المَيِّت فرضُ كفايةٍ بالإجماعِ). ((المجموع)) (5/282). وقال: (واعلَمْ أنَّ غُسلَ الميِّت، وتكفينَه، والصَّلاةَ عليه، ودفنَه- فروضُ كفايةٍ بلا خلافٍ). ((المجموع)) (5/128).

قال المَرداويّ رحمه الله ُ: (قوله: (غُسل الميِّت، وتكفينُه، والصَّلاة عليه، ودفنُه- فرضُ كفايةٍ) بلا نزاعٍ). ((الإنصاف)) (2/330). وقال أيضًا: (حَمْله ودفْنه، فرضُ كفايةٍ إجماعًا). ((الإنصاف)) (2/378).

قال ابن الملقِّن رحمه الله : (الكَفَن للميِّت واجبٌ، وهو إجماعٌ، وكذا غُسلُه، والصَّلاةُ عليه، ودَفْنه). ((الإعلام)) (4/455).

قال ابن عابدين رحمه الله : (قوله (وحفْرُ قَبرِه... إلخ) شروعٌ في مسائِلِ الدَّفْن، وهو فرضُ كفايةٍ إن أمكَنَ، إجماعًا.حِلْيَة. واحترز بالإمكان عمَّا إذا لم يُمكِن؛ كما لو مات في سفينةٍ كما يأتي، ومُفادُه: أنَّه لا يُجزئ دفنُه على وَجْه الأرضِ ببناءٍ عليه، كما ذكره الشافعيَّة، ولم أرَه لأئمَّتنا صريحًا). ((الدر المختار وحاشية ابن عابدين)) (2/233).

[1]   دفن الميت فرض كفاية بالإجماع، وقد علم أن فرض الكفاية إذا تعطل أثم به كل من دخل في ذلك الفرض دون غيرهم، .....قال الشافعي رحمه الله: لو أن رفقة في سفر مات أحدهم فلم يدفنوه نظر إن كان ذلك في طريق آهل يخترقه المارة أو بقرب قرية للمسلمين فقد أساءوا ترك الدفن وعلى من بقربه دفنه، قال وإن تركوه في موضع لا يمر أحد أثموا وعصوا الله تعالى وعلى السلطان أن يعاقبهم على ذلك (المجموع شرح المهذب)

[1]  وَلَقَدْ كَرَّمْنَا بَنِي آدَمَ (سورة الإسراء : 70) 

[1]  عن عائشة رضي الله عنها: أن رسول الله ﷺ قال: كسر عظم الميت ككسره حيًّا.( سنن أبي داود 3207)  

Additional Info

  • பத்வா எண் ACJU/FTW/2020/001-416
  • உட்பட்டது உடல்களை பூமியில் அடக்கம் செய்வது
  • கேள்வி

    மரணித்தவர்களின் உடல்களை பூமியில் அடக்கம் செய்வது தொடர்பான மார்க்க விளக்கம் 

  • Fatwa Summary மரணித்த ஒருவரின் உடலை பூமியில் அடக்கம் செய்ய வேண்டும் என்பதையே அல் குர்ஆன், அல் ஹதீஸ், அல் இஜ்மாஃ, அல் கியாஸ் ஆகிய மூலாதாரங்கள் தெளிவாகக் குறிப்பிட்டுள்ளன. அடக்கம் செய்வது பற்றிய அல் குர்ஆனின் வசனங்கள் : 1. مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ ( سورة طه : 55) இப்பூமியிலிருந்து நாம் உங்களைப் படைத்தோம்; அதனுள்ளேயே நாம் உங்களை மீட்டுவோம் இன்னும், அதிலிருந்தே நாம் உங்களை மீண்டும் வெளிப்படுத்துவோம். (தாஹா : 55). இவ்வசனத்தில் “நீங்கள் மரணித்ததும் நாம் உங்களை பூமியினுள்ளே மீட்டுவோம்” என்று அல்லாஹ் கூறுவதன் மூலம், மரணித்த அனைவரும் பூமியின் பக்கம் மீட்டப்பட வேண்டும் என்ற கருத்தை அல்லாஹூ தஆலா குறிப்பிடுகின்றான். அடக்கம் செய்வது பற்றி நபி ஸல்லல்லாஹூ அலைஹி வஸல்லம் அவர்களின் ஹதீஸ்கள் : 6. (عن أبي سعيدٍ الخُدْريِّ رضِيَ اللهُ عنه، أنَّ رسولَ اللهِ صلَّى الله عليه وسلَّم قال: اذهبوا، فادْفِنوا صاحِبَكم. (صحيح مسلم : 2236) நபி ஸல்லல்லாஹூ அலைஹி வஸல்லம் அவர்கள் தனது தோழர்களிடம், நீங்கள் சென்று உங்களது தோழரை நல்லடக்கம் செய்யுங்கள் என்று கூறினார்கள். (ஸஹீஹ் முஸ்லிம் : 2236) 7. (عن جابرٍ رَضِيَ اللهُ عنه، أنَّ النبيَّ صلَّى الله عليه وسلَّم قال: ادفِنوا القَتْلى في مصارِعِهم. (سنن أبي داود : 8557) நபி ஸல்லல்லாஹூ அலைஹி வஸல்லம் அவர்கள் உஹத் என்ற இடத்தில் ஷஹீதாக்கப்பட்டவர்களைக் குறித்து தம்தோழர்களிடம், அவர்கள் ஷஹீதாக்கப்பட்ட இடங்களிலேயே அவர்களை நல்லடக்கம் செய்து விடுங்கள் என்று கூறினார்கள். (ஸூனன் அபீ தாவூத் : 8557)

Covid-19 தாக்கத்தினால் மரணித்த முஸ்லிம் ஒருவரின் உடலை தகனம் செய்வது தொடர்பான மார்க்கத் தெளிவு

22.04.2020

28.08.1441

அன்புடையீர்,


அஸ்ஸலாமு அலைக்கும் வறஹ்மதுல்லாஹி வபறகாதுஹூ


எல்லாப் புகழும் அல்லாஹ்வுக்கே: சலாத்தும், ஸலாமும் அவனின் இறுதித் தூதர் முஹம்மத் ஸல்லல்லாஹூ அலைஹி வஸல்லம் அவர்கள் மீதும் அவர்கள் கிளையார்கள், தோழர்கள் மீதும் உண்டாவதாக!


மரணித்த ஒரு முஸ்லிமின் உடலை எந்நிலையிலும் தகனம் செய்வதற்கு இஸ்லாத்தில் அனுமதிக்கப்படவில்லை.


ஒரு முஸ்லிம் மரணித்த பின்னர், அந்த உடலை குளிப்பாட்டி, கபனிட்டு, தொழுகை நடாத்தி, கௌரவமான முறையில் முஸ்லிம்களது மையவாடியில் அடக்கம் செய்வது முஸ்லிம்களின் மீது பர்ழு கிபாயாவாகும். மேற்குறித்த கிரியைகளில் ஏதேனும் ஒன்று மார்க்கம் அனுமதித்த காரணம் இன்றி நிறைவேற்றப்படாவிட்டால், மார்க்க கடமைகளை சரிவர நிறைவேற்றவில்லை என்ற காரணத்தினால் அல்லாஹ்விடத்தில் அனைத்து முஸ்லிம்களும் குற்றவாளிகளாக கருதப்படுவர்.


அதனடிப்படையில், மரணித்தவரின் உடலை கட்டாயமாக அடக்கம் செய்யப்படவேண்டும் என்பது மார்க்கத்தில் கட்டாயமானதொன்றாக, நபி ல்லல்லாஹூ அலைஹி வஸல்லம் அவர்களின் காலம் தொடக்கம் இன்று வரை, நான்கு மத்ஹப்களின் அறிஞர்கள் உள்ளிட்ட அனைவராலும் ஏகோபித்த இஸ்லாமிய தீர்ப்பாகக் கருதப்படுகின்றது. கடலில் பிரயாணம் செய்யும் ஒருவர் மரணிப்பாராயின் அவரது உடலைக் கூட நல்லடக்கம் செய்வதற்கு பொருத்தமான நிலம் ஒன்றை அடைவது சாத்தியமற்ற நிலையில், குறித்த உடலை பாரம் ஒன்றை கட்டி கடலுக்குள் இறக்கி விட வேண்டும். இந்த விதிவிலக்கை வேறு எந்தவொரு சந்தர்ப்பத்துக்கும் உபயோகப்படுத்த முடியாது.
அந்த வகையில் Covid-19 இன் காரணமாக மரணிப்பவரின் உடலை அடக்கம் செய்வது கட்டாயமாகும். இவ்விடயத்தில் எவராலும், இந்நிலைப்பாட்டில் இருந்து மாறுபட முடியாது, ஏனெனில், இது புனித அல்-குர்ஆனின் கட்டளையாகும்.


“பின், அவனை மரணிக்கச் செய்து, அவனை கப்ரில்” ஆக்குகிறான்.” (சூறா அபஸ: 21)


“இப் பூமியிலிருந்து நாம் உங்களைப் படைத்தோம்;. அதனுள்ளேயே நாம் உங்களை மீட்டுவோம். இன்னும், அதிலிருந்தே நாம் உங்களை மீண்டும் வெளிப்படுத்துவோம்.” (சூறா தாஹா: 55)


மேலும், ஒருவர் உயிர் வாழும் பொழுது எவ்வாறு கண்ணியப்படுத்தப்படுகின்றாறோ, அவர் இறந்த பின்னரும் கண்ணியப்படுத்தப்பட வேண்டும் என்பதனை இறைத் தூதர் ஸல்லல்லாஹூ அலைஹி வஸல்லம் அவர்களின் பின்வரும் கூற்று வலியுறுத்துகின்றது:


“மரணித்தவரின் எலும்பை முறிப்பது, உயிருள்ள நிலையில் அதை முறிப்பதைப் போன்றதாகும்.” (ஸூனன் அபூதாவுத்: 3207).


இதனடிப்படையில், உடலின் எப்பாகத்துக்கேனும் (தகனம் அல்லது முறித்தல்) போன்றவற்றின் மூலம் தீங்கு விளைவிப்பது, இஸ்லாத்தின் போதனைகளின்படி ஏற்றுக் கொள்ள முடியாததாகும்.


ஒருவர் உயிருடன் இருக்கும் பொழுது, அவரது கை கால்கள் போன்ற உறுப்புக்கள் துண்டிக்கப்படுமாயின் அவற்றிலும் இச்சட்டமே பேணப்படல் வேண்டும்.


இவற்றின் பின்னணியில், அடக்கம் செய்வதற்கான உரிமையை மறுப்பதானது, இஸ்லாத்தை பின்பற்றுபவர்களுக்கு, அவர்களின் மார்க்க கடமைகளை நிறைவேற்றுவதற்கு முரணான ஒரு விடயமாகும்.


எல்லாம் வல்ல அல்லாஹ்வே நன்கு அறிந்தவன்!

 

 

அஷ்-ஷைக் எம்.எல்.எம் இல்யாஸ்                

செயலாளர், பத்வாக் குழு                        

அகில இலங்கை ஜம்இய்யத்துல் உலமா          

      

 அஷ்-ஷைக் ஐ. எல். எம். ஹாஷிம் சூரி

 மேற்பார்வையாளர் - பத்வாக் குழு

 அகில இலங்கை ஜம்இய்யத்துல் உலமா

 

 அஷ்-ஷைக் எம்.ஐ.எம். ரிஸ்வி (முஃப்தி)

 தலைவர்,    

அகில இலங்கை ஜம்இய்யத்துல் உலமா

 

 

 

 

                          

Additional Info

  • பத்வா எண் ACJU/FTW/2020/08-392
  • கேள்வி

     Covid-19 தாக்கத்தினால் மரணித்த முஸ்லிம் ஒருவரின் உடலை தகனம் செய்வது தொடர்பான மார்க்கத் தெளிவு

  • Fatwa Summary மரணித்த ஒரு முஸ்லிமின் உடலை எந்நிலையிலும் தகனம் செய்வதற்கு இஸ்லாத்தில் அனுமதிக்கப்படவில்லை. ஒரு முஸ்லிம் மரணித்த பின்னர், அந்த உடலை குளிப்பாட்டி, கபனிட்டு, தொழுகை நடாத்தி, கௌரவமான முறையில் முஸ்லிம்களது மையவாடியில் அடக்கம் செய்வது முஸ்லிம்களின் மீது பர்ழு கிபாயாவாகும். மேற்குறித்த கிரியைகளில் ஏதேனும் ஒன்று மார்க்கம் அனுமதித்த காரணம் இன்றி நிறைவேற்றப்படாவிட்டால், மார்க்க கடமைகளை சரிவர நிறைவேற்றவில்லை என்ற காரணத்தினால் அல்லாஹ்விடத்தில் அனைத்து முஸ்லிம்களும் குற்றவாளிகளாக கருதப்படுவர். அதனடிப்படையில், மரணித்தவரின் உடலை கட்டாயமாக அடக்கம் செய்யப்படவேண்டும் என்பது மார்க்கத்தில் கட்டாயமானதொன்றாக, நபி சல்லல்லாஹ{ அலைஹி வஸல்லம் அவர்களின் காலம் தொடக்கம் இன்று வரை, நான்கு மத்ஹப்களின் அறிஞர்கள் உள்ளிட்ட அனைவராலும் ஏகோபித்த இஸ்லாமிய தீர்ப்பாகக் கருதப்படுகின்றது. கடலில் பிரயாணம் செய்யும் ஒருவர் மரணிப்பாராயின் அவரது உடலைக் கூட நல்லடக்கம் செய்வதற்கு பொருத்தமான நிலம் ஒன்றை அடைவது சாத்தியமற்ற நிலையில், குறித்த உடலை பாரம் ஒன்றை கட்டி கடலுக்குள் இறக்கி விட வேண்டும். இந்த விதிவிலக்கை வேறு எந்தவொரு சந்தர்ப்பத்துக்கும் உபயோகப்படுத்த முடியாது.
இதை மதிப்பிடுங்கள்
(8 votes)

ACJU/FTW/2020/30-414

 

2020.11.16

1442.03.29

அஸ்ஸலாமு அலைக்கும் வறஹ்மத்துல்லாஹி வபறகாத்துஹூ


எல்லாப் புகழும் அல்லாஹ்வுக்கே, ஸலாத்தும், ஸலாமும் அவனின் இறுதித் தூதர் முஹம்மத் ஸல்லல்லாஹூ அலைஹி வஸல்லம் அவர்கள் மீதும் அவர்கள் கிளையார்கள், தோழர்கள் மீதும் உண்டாவதாக!


நாட்டின் பல பாகங்களிலிருந்தும் பலர், இக்கட்டான இச்சூழ்நிலையில் ஜுமுஆ தொழுகையை நிறைவேற்றும் விடயத்தில், அகில இலங்கை ஜம்இய்யத்துல் உலமாவின் வழிகாட்டலை கோரிய வண்ணம் உள்ளனர்.

 

ஜுமுஆத் தொழுகை ஏனைய பர்ளான தொழுகைகளை விட்டும் சிறப்பாலும் சட்டத்தாலும், அதனை விடும் பொழுது எச்சரிக்கையாலும் வித்தியாசப்பட்ட ஒரு தொழுகையாகும். ஏனைய தொழுகைகளைப் போன்றல்லாது மக்கள் அனைவரும் ஓர் இடத்தில் ஒன்று சேர்ந்து தொழ வேண்டும் என்பதே ஜுமுஆத் தொழுகை விடயத்தில் நபி ஸல்லல்லாஹூ அலைஹி வஸல்லம் அவர்களின் வழிகாட்டலாகும்.


ஜுமுஆ நிறைவேறுவதற்கு பல ஒழுக்கங்களும் நிபந்தனைகளும் உள்ளன. அந்நிபந்தனைகளில் ஊரில் வசிக்கும் நிரந்தரக் குடியிருப்பாளர்களில் குறிப்பிட்ட எண்ணிக்கையினர் அங்கு சமுகமளித்திருப்பதும் ஒன்றாகும். என்றாலும், குறித்த எண்ணிக்கை விடயத்தில் ஆதாரங்களின் அடிப்படையில் மார்க்க அறிஞர்களுக்கு மத்தியில் கருத்து வேறுபாடுகள் நிலவுகின்ற போதிலும், ஷாபிஈ மற்றும் ஹன்பலி மத்ஹப்களைச் சேர்ந்த அறிஞர்கள் உட்பட இன்னும் பல அறிஞர்கள் 40 நபர்கள் சமுகமளித்திருப்பது கட்டாயம் என்றும் ஹனபி மற்றும் மாலிகி மத்ஹப்களில் அதைவிட குறைவான எண்ணிக்கையுடையோர் சமுகமளித்திருப்பதைக் கொண்டும் ஜுமுஆ நிறைவுறும் என்றும் கூறுகின்றனர்.


இதுபற்றிய விரிவான பத்வா 2017.11.02 ஆம் திகதி ACJU/FTW/2017/029-306 ஆம் இலக்கத்தில் அகில இலங்கை ஜம்இய்யத்துல் உலமாவின் பத்வாப் பிரிவு வெளியிட்டுள்ளது. https://acju.lk/fatwa-bank-ta/recent-fatwa/item/1757-2019-10-11-05-26-46


ஏற்கனவே, 2020.06.16 ஆம் திகதியும், 2020.11.05 ஆம் திகதியும் அகில இலங்கை ஜம்இய்யத்துல் உலமாவினால் கொடுக்கப்பட்ட வழிகாட்டல்களின்படி, ஷாபிஈ மத்ஹபின் மிக உறுதியான கருத்தை முன்வைத்து 40 நபர்கள் இல்லாதபட்சத்தில் ழுஹ்ரை தொழுது கொள்ள வேண்டும் என்று மக்களிடம் வேண்டுகோள் விடுக்கப்பட்டிருந்ததை யாவரும் அறிந்ததே.


எனினும், நாட்டில் தற்போது ஏற்பட்டிருக்கும் அசாதாரண சூழ்நிலையில் மஸ்ஜிதில் 25 நபர்கள் மட்டுமே ஒரே நேரத்தில் ஒன்று சேர முடியுமென்ற கட்டுப்பாடு உள்ளதாலும் தொடர்ந்து இந்நிலை நீடிப்பதால் மக்களுக்கு ஜுமுஆ விடயத்தில் பொடுபோக்கு ஏற்பட்டுவிடுமென்ற அச்சம் பலராலும் உணரப்படுவதாலும் அகில இலங்கை ஜம்இய்யத்துல் உலமா, மக்களுக்கு கீழ்வரும் வழிகாட்டலை வழங்குகிறது.

 

1. நாற்பது நபர்களை விடக் குறைந்த எண்ணிக்கையுடனும் ஜுமுஆ நிறைவேறும் என்ற ஷாபிஈ மத்ஹபைச் சேர்ந்த ஒருசில இமாம்கள் கருத்துத் தெரிவித்திருந்தாலும், ஷாபிஈ மத்ஹபின் பத்வாவுக்குரிய கருத்தின் பிரகாரம் அவ்வாறான நிலையில் ழுஹ்ர் தொழுவது கட்டாயமாகும். இந்தக் கருத்துவேறுபாடின் காரணமா ஜுமுஆத் தொழுது கொள்வது விரும்பத்தக்கதாகும் என்ற அடிப்படையில் ஜுமுஆத் தொழுது விட்டு ழுஹ்ரையும் தொழுது கொள்ளல்.

 

2. நாற்பது நபர்களை விடக் குறைந்த எண்ணிக்கையான 12 நபர்களைக் கொண்டும் ஜுமுஆ நிறைவேறும் என்று மாலிகி மத்ஹபிலும், இமாம் தவிர்ந்து மூன்று நபர்களைக் கொண்டும் ஜுமுஆ நிறைவேறுமென்று ஹனபி மத்ஹபிலும் கூறப்பட்டுள்ளதால், அவர்களின் மத்ஹபில் கடைபிடிக்க வேண்டிய சகல நிபந்தனைகளையும் கடைபிடித்து அம்மத்ஹபைப் பின்பற்றி ஜுமுஆத் தொழுதல். அதன்பின்னர் ஷாபிஈ மத்ஹபின் அடிப்படையில் ழுஹ்ர் தொழுது கொள்வது விரும்பத்தக்கதாகும்.


எமது நாட்டின் தலைசிறந்த ஆலிம்களில் ஒருவரான அல்-ஆலிம் அப்துஸ் ஸமத் (மக்தூமீ, பஹ்ஜீ) றஹ்மத்துல்லாஹி அலைஹி அவர்களும் இதேவிதமாக தீர்ப்பு வழங்கியுள்ளதும் குறிப்பிடத்தக்கதாகும்.1

 

குறிப்பு : மேல் சொல்லப்பட்ட வழிகாட்டலின் மேலதிக விளக்கங்களை உங்கள் பகுதி ஆலிம்களிடம் பெற்றுக் கொள்ளுமாறு கேட்டுக் கொள்கின்றோம்.

 

எல்லாம் வல்ல அல்லாஹ்வே நன்கு அறிந்தவன்.

 


அஷ்ஷைக் எம்.எல்.எம். இல்யாஸ்
செயலாளர் - பத்வாக் குழு 
அகில இலங்கை ஜம்இய்யத்துல் உலமா

 

அஷ்ஷைக் ஐ.எல்.எம் ஹாஷிம் ஸூரி

மேற்பார்வையாளர் - பத்வாக் குழு 
அகில இலங்கை ஜம்இய்யத்துல் உலமா

 

அஷ்ஷைக் எம்.ஐ.எம் ரிஸ்வி முப்தி
தலைவர்
அகில இலங்கை ஜம்இய்யத்துல் உலமா

 

 

 

 

____________________________________________________________________________

 1.  பார்க்க நூல் : (ழவ்உஷ் ஷிர்அஹ் பிஅததில் ஜுமுஆ- பக்கம்: 11, 12, 13)

Additional Info

  • பத்வா எண் ACJU/FTW/2020/30-414
  • உட்பட்டது தொழுகை
  • கேள்வி

    அசாதாரண சூழ்நிலையில் ஜுமுஆத் தொழுகை தொடர்பான வழிகாட்டல் 

  • Fatwa Summary நாட்டின் பல பாகங்களிலிருந்தும் பலர், இக்கட்டான இச்சூழ்நிலையில் ஜுமுஆ தொழுகையை நிறைவேற்றும் விடயத்தில், அகில இலங்கை ஜம்இய்யத்துல் உலமாவின் வழிகாட்டலை கோரிய வண்ணம் உள்ளனர். ஜுமுஆத் தொழுகை ஏனைய பர்ளான தொழுகைகளை விட்டும் சிறப்பாலும் சட்டத்தாலும், அதனை விடும் பொழுது எச்சரிக்கையாலும் வித்தியாசப்பட்ட ஒரு தொழுகையாகும். ஏனைய தொழுகைகளைப் போன்றல்லாது மக்கள் அனைவரும் ஓர் இடத்தில் ஒன்று சேர்ந்து தொழ வேண்டும் என்பதே ஜுமுஆத் தொழுகை விடயத்தில் நபி ஸல்லல்லாஹூ அலைஹி வஸல்லம் அவர்களின் வழிகாட்டலாகும். ஜுமுஆ நிறைவேறுவதற்கு பல ஒழுக்கங்களும் நிபந்தனைகளும் உள்ளன. அந்நிபந்தனைகளில் ஊரில் வசிக்கும் நிரந்தரக் குடியிருப்பாளர்களில் குறிப்பிட்ட எண்ணிக்கையினர் அங்கு சமுகமளித்திருப்பதும் ஒன்றாகும். என்றாலும், குறித்த எண்ணிக்கை விடயத்தில் ஆதாரங்களின் அடிப்படையில் மார்க்க அறிஞர்களுக்கு மத்தியில் கருத்து வேறுபாடுகள் நிலவுகின்ற போதிலும், ஷாபிஈ மற்றும் ஹன்பலி மத்ஹப்களைச் சேர்ந்த அறிஞர்கள் உட்பட இன்னும் பல அறிஞர்கள் 40 நபர்கள் சமுகமளித்திருப்பது கட்டாயம் என்றும் ஹனபி மற்றும் மாலிகி மத்ஹப்களில் அதைவிட குறைவான எண்ணிக்கையுடையோர் சமுகமளித்திருப்பதைக் கொண்டும் ஜுமுஆ நிறைவுறும் என்றும் கூறுகின்றனர்.
இதை மதிப்பிடுங்கள்
(5 votes)

அஸ்ஸலாமு அலைக்கும் வறஹ்மத்துல்லாஹி வபறகாத்த

எல்லாப் புகழும் வல்ல அல்லாஹ்வுக்கே. சலாத்தும், சலாமும் அவனின் இறுதித் தூதர் முஹம்மத் ஸல்லல்லாஹ அலைஹி வஸல்லம் அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!


வியாபாரம் உட்பட அனைத்து வர்த்தக, வாணிப, கொடுக்கல், வாங்கல் நடவடிக்கைகளிலும் ஒரு முஸ்லிம் தவிர்க்கவேண்டிய அம்சங்களுள் வட்டி பிரதானமானதாகும். எவ்வகையிலும் வட்டித் தொடர்பு வைத்துக் கொள்வதை இஸ்லாம் ஒரு போதும் அனுமதிக்கவில்லை. அத்துடன் அதனைப் பெரும் பாவங்களில் ஒன்றாகவும் சுட்டிக்காட்டியுள்ளது. இதனைப் பின்வரும் அல்குர்ஆன் வசனங்களும், ஹதீஸ்களும் உறுதி செய்கின்றன.


“அவர்களுக்கு வட்டி விலக்கப்பட்டிருந்தும், அதனை வாங்கி வந்ததினாலும், மனிதர்களின் பொருள்களை அவர்கள் நியாயமின்றி விழுங்கி வந்ததினாலும் (நாம் அவர்களைச் சபித்தோம். மறுமையிலோ) அவர்களில் (இத்தகைய) நிராகரிப்பவர்களுக்குத் துன்புறுத்தும் வேதனையையே நாம் தயார்படுத்தி வைத்திருக்கின்றோம். (அன்-நிஸா : 161)


விசுவாசம் கொண்டவர்களே! அல்லாஹ்வை நீங்கள் பயந்து கொள்ளுங்கள். மேலும், நீங்கள் (உண்மையாக) விசுவாசம் கொண்டவர்களாக இருப்பின் வட்டியில் (எடுத்தது போக) எஞ்சியிருப்பதை (எடுக்காமல்) விட்டுவிடுங்கள். (அல்-பகரா: 278)

அல்குர்ஆனைப் போன்று ஸன்னாவும் வட்டியின் பாரதூரத்தைப் பற்றி விளக்குகின்றது. வட்டி உண்பதை நபியவர்கள் ஏழு பெரும் பாவங்களில் ஒன்றாக குறிப்பிட்டார்கள். இதுபற்றிய ஹதீஸ் பின்வருமாறு:


“நபி ஸல்லல்லாஹ அலைஹி வஸல்லம் அவர்கள் ஏழு பெரும் பாவங்களை தவிர்ந்து கொள்ளுங்கள் என்று கூறினார்கள். அதற்கு நபித்தோழர்கள், அவை யாவை? அல்லாஹ்வின் தூதரே! என்று வினவியபோது அண்ணலார் பின்வருமாறு விளக்கினார்கள்: அல்லாஹ்வுக்கு இணைவைத்தல், சூனியம் செய்தல், அல்லாஹ் தடுத்த ஓர் ஆன்மாவை நியாயமின்றிக் கொலை செய்தல், வட்டி உண்ணல், அனாதையின் பொருளைச் சாப்பிடுதல், யுத்தத்தில் புறமுதுகு காட்டுதல், கற்புடைய முஃமினான பெண்கள் மீது அவதூறு கூறுதல்.” (புகாரி, முஸ்லிம்)

عن أبي هريرة - رضي الله عنه - أن رسول الله - صلى الله عليه وسلم - قال: (اجتنبوا السبع الموبقات) ، قالوا: يا رسول الله، وما هن؟ قال: الشرك بالله، والسحر، وقتل النفس التي حرم الله إلا بالحق، وأكل الربا، وأكل مال اليتيم، والتولي يوم الزحف، وقذف المحصنات المؤمنات الغافلات؛ متفق عليه.

மேலும், அல்லாஹ்வின் தூதர் ஸல்லல்லாஹ அலைஹி வஸல்லம் அவர்கள், வட்டி வாங்குபவரையும் வட்டி கொடுப்பவரையும், அதற்குக் கணக்கு எழுதுபவரையும் அதன் இரு சாட்சிகளையும் சபித்தார்கள். மேலும், “இவர்கள் அனைவரும் (பாவத்தில்) சமமானவர்கள் ஆவர்” என்று கூறினார்கள் என ஜாபிர் ரழியல்லாஹ அன்ஹ அவர்கள் அறிவிக்கின்றார்கள்.

عَنْ جَابِرٍرضي الله عنه، قَالَ: ( لَعَنَ رَسُولُ اللهِ صَلَّى اللهُ عَلَيْهِ وَسَلَّمَ آكِلَ الرِّبَا، وَمُؤْكِلَهُ، وَكَاتِبَهُ ، وَشَاهِدَيْهِ ) ، وَقَالَ: (هُمْ سَوَاءٌ). رواه مسلم


எனவே, வட்டியில் இருந்து தூரமாக இருப்பது ஒவ்வொரு முஸ்லிமின் மீதும் கடமையாகும். ஒருவர் தான் அறியாத நிலையில் வட்டியுடன் தொடர்பு வைத்து விட்டால் அவர் தௌபா செய்து மீளுவது அவசியமாகும்.


“ஹராமான பணம் உள்ள ஒருவர், அதை விட்டும் நீங்கி தௌபா செய்ய நாடினால், அப்பணத்தின் உரிமையாளர் அல்லது அவரது பிரதிநிதியிடம் அதனை ஒப்படைப்பது கட்டாயமாகும். உரிமையாளர் மரணித்திருந்தால் அவரது அனந்தரக்காரரிடம் ஒப்படைப்பது கட்டாயமாகும். உரிமையாளர் யார் என்பது அறியப்படாமல் இருந்தால் அப்பணத்தைப் பொதுவாக மக்கள் பயனடையும் விதத்தில் பாலங்கள் கட்டுதல், பிரயாணிகள் தங்கும் மடங்கள் அமைத்தல் போன்றவற்றுக்காக செலவிடுவது கட்டாயமாகும். அல்லது ஏழைகளுக்கு கொடுக்க வேண்டும் என்றும், இவ்வாறான பணத்தை அழிப்பதோ கடலில் எறிவதோ முறையாகாது, அதனை முஸ்லிம்களின் பொது நலன்களுக்கே செலவிடுவது நல்லது என்றும் பல மார்க்க அறிஞர்கள் கூறியுள்ளதாக இமாம் நவவி ரஹிமஹ{ல்லாஹ் அவர்கள் தனது மஜ்மூஃ எனும் நூலில் குறிப்பிடுகின்றார்கள்.

قَالَ الْغَزَالِيُّ إذَا كَانَ مَعَهُ مَالٌ حَرَامٌ وَأَرَادَ التَّوْبَةَ وَالْبَرَاءَةَ مِنْهُ فَإِنْ كَانَ لَهُ مَالِكٌ مُعَيَّنٌ وَجَبَ صَرْفُهُ إلَيْهِ أَوْ إلَى وَكِيلِهِ فَإِنْ كَانَ مَيِّتًا وَجَبَ دَفْعُهُ إلَى وَارِثِهِ وَإِنْ كَانَ لِمَالِكٍ لَا يَعْرِفُهُ وَيَئِسَ مِنْ مَعْرِفَتِهِ فَيَنْبَغِي أَنْ يَصْرِفَهُ فِي مَصَالِحِ الْمُسْلِمِينَ الْعَامَّةِ كَالْقَنَاطِرِ وَالرُّبُطِ وَالْمَسَاجِدِ وَمَصَالِحِ طَرِيقِ مَكَّةَ وَنَحْوِ ذَلِكَ مِمَّا يَشْتَرِكُ الْمُسْلِمُونَ فِيهِ وَإِلَّا فَيَتَصَدَّقُ بِهِ عَلَى فَقِيرٍ أَوْ فُقَرَاءَ وَيَنْبَغِي أَنْ يَتَوَلَّى ذَلِكَ الْقَاضِي إنْ كَانَ عَفِيفًا فَإِنْ لَمْ يَكُنْ عَفِيفًا لَمْ يَجُزْ التَّسْلِيمُ إلَيْهِ فَإِنْ سَلَّمَهُ إلَيْهِ صَارَ الْمُسَلَّمُ ضَامِنًا بَلْ يَنْبَغِي أَنْ يُحَكِّمَ رَجُلًا مِنْ أهل البلد دينا عالما فان التحكم أَوْلَى مِنْ الِانْفِرَادِ فَإِنْ عَجَزَ عَنْ ذَلِكَ تَوَلَّاهُ بِنَفْسِهِ فَإِنَّ الْمَقْصُودَ هُوَ الصَّرْفُ إلَى هَذِهِ الْجِهَةِ وَإِذَا دَفَعَهُ إلَى الْفَقِيرِ لَا يَكُونُ حَرَامًا عَلَى الْفَقِيرِ بَلْ يَكُونُ حَلَالًا طَيِّبًا وَلَهُ أَنْ يَتَصَدَّقَ بِهِ عَلَى نَفْسِهِ وَعِيَالِهِ إذَا كَانَ فَقِيرًا لِأَنَّ عِيَالَهُ إذَا كَانُوا فُقَرَاءَ  فَالْوَصْفُ مَوْجُودٌ فِيهِمْ بَلْ هُمْ أَوْلَى مَنْ يُتَصَدَّقُ عَلَيْهِ وَلَهُ هُوَ أَنْ يَأْخُذَ مِنْهُ قَدْرَ حَاجَتِهِ لِأَنَّهُ أَيْضًا فَقِيرٌ وَهَذَا الَّذِي قَالَهُ الْغَزَالِيُّ فِي هَذَا الْفَرْعِ ذَكَرَهُ آخَرُونَ مِنْ الْأَصْحَابِ وَهُوَ كَمَا قَالُوهُ ونقله الْغَزَالِيُّ أَيْضًا عَنْ مُعَاوِيَةَ بْنِ أَبِي سُفْيَانَ وَغَيْرِهِ مِنْ السَّلَفِ عَنْ أَحْمَدَ بْنِ حَنْبَلٍ وَالْحَارِثِ الْمُحَاسِبِيِّ وَغَيْرِهِمَا مِنْ أَهْلِ الْوَرَعِ لِأَنَّهُ لَا يَجُوزُ إتْلَافُ هَذَا الْمَالِ وَرَمْيُهُ فِي الْبَحْرِ فَلَمْ يَبْقَ إلَّا صَرْفُهُ فِي مَصَالِحِ   الْمُسْلِمِينَ وَاَللَّهُ سُبْحَانَهُ وَتَعَالَى أَعْلَمُ. (المجموع شرح المهذب)


இவ்வடிப்படையில், வட்டி எனும் கொடிய பாவத்தில் சிக்கிய ஒருவர் தனிப்பட்ட முறையில் மேல் குறிப்பிட்டதன் பிரகாரம் வட்டிப் பணத்திலிருந்து தன்னைச் சுத்தப்படுத்தி, தௌபா செய்து உடனடியாக அதிலிருந்து மீள வேண்டும். அவ்வாறு மீண்டதன் பின் மீண்டும் வட்டி சம்பந்தப்பட்ட எவ்வித கொடுக்கல் வாங்கல்களிலும் ஈடுபடாமல் இருப்பது கட்டாயமாகும்.


இதற்கு மாற்றமாக இவ்வாறான வட்டிப் பணங்களை ஒன்று திறட்டி, ஏழைகளுக்கு உதவி செய்வதற்காக பிரத்தியேக அமைப்பொன்றை உருவாக்குவது வட்டியை ஊக்குவிப்பதாகவே அமையும் என்பதால், இதைத் தவிர்த்து மக்களுக்கு உதவி செய்யும் நோக்கம் இருப்பின் சதகா போன்ற சுத்தமான பணங்களை மக்களிடமிருந்து எடுத்து தேவையுள்ளவர்களுக்கு உதவி செய்ய முயற்சிக்க வேண்டும் என ஆலோசனை கூறுகின்றோம்.


எல்லாம் வல்ல அல்லாஹ்வே நன்கு அறிந்தவன்.

Additional Info

  • பத்வா எண் ACJU/FTW/2019/22-373
  • கேள்வி

    சில தனவந்தர்கள் தமது சேமிப்புப் பணத்துக்கு கிடைக்கும் வட்டிப் பணத்தினை என்ன செய்வது என்ற பிரச்சினைக்கு முகங்கொடுத்துள்ளனர். எனவே, இப்பணத்தை பொதுத் தேவைகளுக்காகவோ அல்லது தனிப்பட்ட ஒருவரின் மலசலகூட தேவைக்காகவோ பயன்படுத்த முடியுமா?
    இது சம்பந்தமான தெளிவான விளக்கம் ஒன்றை தாங்களிடமிருந்து எதிர்பார்க்கின்றோம். 

  • Fatwa Summary மேலும், அல்லாஹ்வின் தூதர் ஸல்லல்லாஹ அலைஹி வஸல்லம் அவர்கள், வட்டி வாங்குபவரையும் வட்டி கொடுப்பவரையும், அதற்குக் கணக்கு எழுதுபவரையும் அதன் இரு சாட்சிகளையும் சபித்தார்கள். மேலும், “இவர்கள் அனைவரும் (பாவத்தில்) சமமானவர்கள் ஆவர்” என்று கூறினார்கள் என ஜாபிர் ரழியல்லாஹ அன்ஹ அவர்கள் அறிவிக்கின்றார்கள்.
இதை மதிப்பிடுங்கள்
(1 Vote)

அஸ்ஸலாமு அலைக்கும் வறஹ்மத்துல்லாஹி வபறகாத்துஹ


பதில் : எல்லாப் புகழும் வல்ல அல்லாஹ்வுக்கே. ஸலாத்தும், ஸலாமும் அவனின் இறுதித் தூதர் முஹம்மத் ஸல்லல்லாஹ{ அலைஹி வஸல்லம் அவர்கள் மீதும், அவர்களது கிளையார்கள், தோழர்கள் மீதும் உண்டாவதாக!


இத்தா என்பது ஒரு பெண் தனது கணவனின் மரணத்திலிருந்து அல்லது தலாக், குல்உ, பஸ்கு மூலம் கணவனைப் பிரிந்ததிலிருந்து மறுமணம் செய்யாமல் குறிப்பிட்ட சில காலங்கள் காத்திருப்பதாகும்.

اسم لمدة تتربص فيها المرأة لمعرفة براءة رحمها أو للتعبد أو لتفجعها على زوجها - (كتاب العدد -  مغني المحتاج إلى معرفة معاني ألفاظ المنهاج )


இத்தா அனுஷ்டிப்பது ஒரு இறை கட்டளையாகும். மேலும், கர்பிணியாக உள்ளாரா என்பதை விளங்குதல் மற்றும் கணவனுடைய பிரிவிற்காக கவலைப்படுதல் போன்ற காரணங்களும் இதில் உள்ளன.


ஒரு பெண் தாம்பத்திய உறவின் பின், தலாக், குல்உ மற்றும் பஸ்கு ஆகிய ஏதாவது ஒன்றின் மூலம் கணவனைப் பிரிந்தால், அப்பெண் மாதவிடாய் ஏற்படும் வயதுடையவராக இருந்தால் மூன்று சுத்தங்கள் இத்தா அனுஷ்டிப்பது அவசியமாகும்.


அதாவது, ஒரு பெண், தனது சுத்த காலத்தில்; மேற்கூறப்பட்ட ஏதாவதொரு முறையில் கணவனைப் பிரிந்தால், அந்த சுத்த காலத்துடன் சேர்த்து அடுத்து வரும் இரண்டு சுத்த காலங்கள் நிறைவடையும் வரை இத்தா இருத்தல் வேண்டும். அப்பெண் மாதவிடாய் காலத்தில் கணவனை விட்டும் பிரிந்திருந்தால் தொடர்ந்து மூன்று சுத்தங்கள் பூர்த்தியாகும் வரை இத்தா இருத்தல் வேண்டும்.

فإن طلقت طاهرا، وقد بقي من الطهر لحظة (انقضت بالطعن في حيضة ثالثة) لإطلاق القرء على أقل لحظة من الطهر وإن وطئ فيه (كتاب العدد - تحفة المحتاج في شرح المنهاج

தலாக் கூறப்பட்ட பெண்ணின் இத்தா பற்றி பின்வரும் அல்-குர்ஆன் வசனம் தெளிவுபடுத்துகின்றது.

“தலாக் கூறப்பட்ட பெண்கள் தங்களுக்கு மூன்று சுத்தங்கள் நிறைவடையும் வரை எதிர்பார்த்தல் வேண்டும்.” (அல்-பகரா : 228)

وَالْمُطَلَّقَاتُ يَتَرَبَّصْنَ بِأَنفُسِهِنَّ ثَلَاثَةَ قُرُوءٍ  (البقرة : 228)

குல்உ மற்றும் பஸ்கு மூலம் பிரிந்த ஒரு பெண்ணின் இத்தாவுடைய காலமும் தலாக்குடைய இத்தாவைப் போன்றதே என்று ஷாபிஈ மத்ஹப் உட்பட பொரும்பாலான மார்க்க அறிஞர்கள் கூறுகின்றனர்.

وأكثر أهل العلم يقولون: عدة المختلعة عدة المطلقة؛ منهم سعيد بن المسيب، وسالم بن عبد الله، وعروة، وسليمان بن يسار، وعمر بن عبد العزيز، والحسن، والشعبي، والنخعي، والزهري، وقتادة, وخلاس بن عمرو، وأبو عياض, ومالك، والليث، والأوزاعي، والشافعي، (فَصْل كُلّ فُرْقَةٍ بَيْنَ زَوْجَيْنِ فَعِدَّتُهَا عِدَّةُ الطَّلَاقِ - المغني لابن قدامة )


சில அறிஞர்கள், ஒரு தடவை மாதவிடாய் ஏற்பட்டுவிட்டால் இத்தா முடிந்துவிடும் என்று கூறுகின்றனர். என்றாலும், இது சம்பந்தமாக வந்துள்ள ஹதீஸ் ஆதாரபூர்வமற்றதாகும்.


மேலும், வயோதிபத்தை அடைந்து, மாதவிடாய் ஏற்படும்; என்ற நம்பிக்கையை இழந்த ஒரு பெண்ணினதும், இதுவரை மாதவிடாய் ஏற்படாத ஒரு பெண்ணினதும் இத்தாவுடைய காலம் மூன்று சந்திர மாதங்களாகும்.


“உங்கள் பெண்களில், எவரும் மாதவிடாய் ஏற்படாது என நம்பிக்கையிழந்து (அவர்களுடைய இத்தாவை கணக்கிடுவது பற்றி) நீங்கள் சந்தேகப்பட்டால், அப்பெண்களுக்கும், மாதவிடாயே ஏற்படாத பெண்களுக்கும், “இத்தா”(வின் தவணை) மூன்று மாதங்களாம்.” (அத்-தலாக் : 04)

وَاللائِي يَئِسْنَ مِنَ الْمَحِيضِ مِنْ نِسَائِكُمْ إِنِ ارْتَبْتُمْ فَعِدَّتُهُنَّ ثَلاثَةُ أَشْهُرٍ وَاللائِي لَمْ يَحِضْنَ [الطلاق: 4


மேலும், தாம்பத்திய உறவுக்கு முன் தலாக், குல்உ மற்றும் பஸ்கு ஆகிய ஏதாவது ஒரு முறையில் கணவனைப் பிரியும் பெண்ணுக்கு இத்தா இருப்பது கடமையாகாது.

يا أيها الذين آمنوا إذا نكحتم المؤمنات ثم طلقتموهنَّ من قبل أن تمسوهن فما لكم عليهن من عدة تعتدونها. [ الأحزاب: 49]


கணவன் மரணித்த ஒரு பெண்ணின் இத்தாவுடைய காலம் நான்கு மாதங்களும் பத்து நாட்களுமாகும். இதற்கு தாம்பத்திய உறவு ஏற்பட்டிருக்க வேண்டும் என்பது அவசியமில்லை. மாறாக திருமணத்திற்கான ஒப்பந்தம் நிகழ்ந்திருப்பது போதுமானது.

இதனை பின்ரும் அல்குர்ஆன் வசனம் தெளிவுபடுத்துகின்றது.

உங்களில் எவரேனும் மனைவிகளை விட்டு மரணித்து விட்டால், அந்த மனைவிமார்கள் நான்கு மாதம் பத்து நாட்கள் எதிர்பார்த்திருக்கவும். (இதற்கு "மரணத்திற்கான இத்தா" என்று பெயர்.) ஆதலால் அவர்கள் தங்களுடைய (இத்தாவின்) தவணையை முடித்துவிட்டால் (அவர்களில் மறுமணம் செய்ய விருப்பமுள்ளவர்கள்) தங்களை ஒழுங்கான முறையில் (அலங்காரம்) ஏதும் செய்து கொள்வதில் குற்றமில்லை. நீங்கள் செய்வதை அல்லாஹ் நன்கறிந்தவனாகவே இருக்கின்றான். (அல்-பகரா: 234)

وَالَّذِيْنَ يُتَوَفَّوْنَ مِنْكُمْ وَيَذَرُوْنَ اَزْوَاجًا يَّتَرَبَّصْنَ بِاَنْفُسِهِنَّ اَرْبَعَةَ اَشْهُرٍ وَّعَشْرًا فَاِذَا بَلَغْنَ اَجَلَهُنَّ فَلَا جُنَاحَ عَلَيْكُمْ فِيْمَا فَعَلْنَ فِىْٓ اَنْفُسِهِنَّ بِالْمَعْرُوْفِؕ وَاللّٰهُ بِمَا تَعْمَلُوْنَ خَبِيْرٌ‏. (البقرة: 234


ஒரு பெண், மேற்கூறப்பட்ட எந்தவகையான இத்தா கடமையை அனுஷ்டிப்பவராக இருந்தாலும், அப்பெண் கர்ப்பிணியாக இருந்தால் குழந்தையைப் பெற்றெடுக்கும் வரை இத்தா இருக்க வேண்டும்.

(عِدَّةُ الْحَامِلِ مِنْ حُرَّةٍ وَأَمَةٍ عَنْ فِرَاقِ حَيٍّ أَوْ مَيِّتٍ بِطَلَاقٍ رَجْعِيٍّ أَوْ بَائِنٍ (بِوَضْعِهِ) أَيْ الْحَمْلِ لِقَوْلِهِ تَعَالَى: {وَأُولاتُ الأَحْمَالِ أَجَلُهُنَّ أَنْ يَضَعْنَ حَمْلَهُنَّ} [الطلاق: 4]  (كتاب العدد - مغني المحتاج إلى معرفة معاني ألفاظ المنهاج


கணவன் மரணித்ததன் பின் இத்தா அனுஷ்டிக்கும் ஒரு பெண் அலங்காரங்களை விட்டும் தவிர்ந்திருப்பது கட்டாயமாகும். தலாக், குல்உ மற்றும் பஸ்கு ஆகிய ஏதாவது ஒன்றின் மூலம் கணவனைப் பிரியும் ஒரு பெண் இத்தா அனுஷ்டிக்கும் போது அலங்காரங்களை விட்டும் தவிர்ந்திருப்பது சுன்னத்தாகும்.

ஒரு பெண் இத்தா இருக்கும் காலத்திற்குள் தனது கணவன் அல்லாத வேறொருவரை மறுமணம் செய்ய முடியாது. அவ்வாறு மறுமணம் செய்து கொண்டால் அத்திருமண ஒப்பந்தம் செல்லுபடியற்றதாக ஆகிவிடும்.

அவளது கணவனையே மறுமணம் செய்து கொள்ள நாடினால் பின்வரும் ஒழுங்குகள் கவனிக்கப்படல் வேண்டும்.

ஒன்று அல்லது இரண்டு தலாக்குகள் சொல்லப்பட்டவளாக இருந்தால், அவளது இத்தாவுடைய காலமாகிய மூன்று சுத்தங்கள் முடிவடைவதற்கு முன், தலாக் கூறிய அவளது கணவனுக்கு அவளை புதிய திருமண ஒப்பந்தம் எதுவுமின்றி மீட்டிக் கொள்ள முடியும். இத்தா முடிந்ததன் பின் மீட்டிக் கொள்வதாக இருந்தால் புதிய திருமண ஒப்பந்தம் அவசியமாகும்.

மூன்று தலாக் சொல்லப்பட்ட பெண் அல்லது மூன்று தடவைகள் குல்உ செய்யப்பட்ட பெண் அதே கணவனை இத்தாவுடைய காலத்திலோ அல்லது இத்தா முடிந்ததன் பின்போ மறுமணம் செய்ய முடியாது. அவ்வாறு அவரை மீண்டும் மறுமணம் செய்வதாக இருந்தால், அப்பெண் இத்தாவை நிறைவு செய்ததன் பின்னர், வேறொருவரை உரிய முறையில் திருமணம் செய்து அவருடன் தாம்பத்திய உறவில் ஈடுபட்டதன் பின், விவாகரத்தின் மூலம் அல்லது கணவன் மரணிப்பதன் மூலம் பிரிந்தால், உரிய இத்தாவை நிறைவு செய்ததன் பின் மீண்டும் புதிய திருமண ஒப்பந்தத்தின் மூலம் திருமணம் செய்து கொள்ள வேண்டும்.

மேலும், முதலாவது அல்லது இரண்டாவது குல்உகள் செய்யப்பட்ட பெண் அல்லது பஸ்கு முறையில் கணவனை பிரிந்த பெண், இத்தாவுடைய காலத்திற்குள்ளும் அல்லது இத்தாவுடைய காலத்திற்குப் பின்னரும் அதே கணவனுடன் சேர்ந்து வாழ விரும்பினால் புதிய திருமண ஒப்பந்தம் செய்து கொள்வது அவசியமாகும்.


وأما البائن التي تحل للزوج فهي المختلعة إذا كانت في عدتها يجوز للزوج أن يصرح بخطبتها؛ لأنه يحل أن يتزوجها في عدتها،  (الحاوي الكبير في فقه مذهب الإمام الشافعي


இவை இத்தா சம்பந்தப்பட்ட குறிப்பிட்ட சில சட்டங்களாகும். இது சம்பந்தமான விரிவான சட்டதிட்டங்கள் இஸ்லாமிய சட்ட நூற்களில் தெளிவாக உள்ளன. தேவையேற்படும் போது மார்க்க சட்டக் கலையில் தேர்ச்சி பெற்ற உலமாக்களிடம் விளக்கங்களை பெற்றுக் கொள்வது நல்லது என ஆலோசனை கூறுகின்றோம்.


எல்லாம் வல்ல அல்லாஹ்வே நன்கு அறிந்தவன்.

Additional Info

  • பத்வா எண் ACJU/FTW/2019/24-375
  • கேள்வி

    இத்தா பற்றிய மார்க்கத் தெளிவை எழுத்து மூலம் தருமாறு கேட்டுக் கொள்கின்றோம்.

  • Fatwa Summary இத்தா என்பது ஒரு பெண் தனது கணவனின் மரணத்திலிருந்து அல்லது தலாக், குல்உ, பஸ்கு மூலம் கணவனைப் பிரிந்ததிலிருந்து மறுமணம் செய்யாமல் குறிப்பிட்ட சில காலங்கள் காத்திருப்பதாகும்.