அகில இலங்கை ஜம்இய்யத்துல் உலமாவின் கண்டி மாவட்டம் தழுவிய மாபெரும் விழிப்புணர்வு நிகழ்ச்சி

ஜன 29, 2018

அகில இலங்கை ஜம்இய்யதுல் உலமாவின் கண்டி மாவட்டக் கிளை கண்டி நகர பிரதேசக் கிளையுடன் இணைந்து ஏற்பாடு செய்த சக வாழ்வு, சமய நல்லிணக்கம் சம்பந்தமாக கண்டி மாவட்டம் தழுவிய மாபெரும் விழுப்புணர்வு மாநாடு 2018.01.28 ஆம் திகதி ஞாயிற்றுக் கிழமை  காலை 8.30 - 2.00 மணி வரை கட்டுக்கலை ஜும்ஆ மஸ்ஜிதில் நடைபெற்றது. அல்ஹம்துலில்லாஹ்

இந் நிகழ்வில் கண்டி மாவட்டத்தைச் சேர்ந்த ஆலிம்கள், மஸ்ஜித் நிர்வாகிகள், துரைசார்ந்தவர்கள், முன்னனி வியாபாரிகள், காதி நீதிபதிகள் மற்றும் விவாகப் பதிவாளர்கள் என பலரும் கலந்து பயன் பெற்றனர்.

மேற்படி நிகழ்வு கிராத்துடனும் கண்டி நகர பிரதேசக் கிளையின் கௌரவ தலைவர் அஷ்-ஷைக் பீ.எம் பாயிஸ் பாஸி அவர்களின் வரவேற்புரையுடனும் ஆரம்பமானது. ஜம்இய்யாவின் கௌரவ பிரதித் தலைவர் அஷ்-ஷைக் ஏ.சீ.எம் அகார் முஹம்மத் அவர்களின் சிறப்புரையைத் தொடர்ந்து சமூகமளித்தவர்களை 3 குழுக்களாக பிரிக்கப்பட்டு நிகழ்சிகள் நடாத்தப்பட்டன.

1. ஆலிம்களுக்கான வழிகாட்டல்களை ஜம்இய்யாவின் கௌரவ பொதுச் செயவாளர் அஷ்-ஷைக் எம்.எம்.ஏ முபாறக் அவர்களும் அஷ்-ஷைக் யஹ்யா பலாஹி அவர்களும் நிகழ்தினார்கள்.

2. மஸ்ஜித் நிர்வாகிகள், முன்னனி வியாபாரிகள், துரைசார்ந்தவர்களுக்கான விஷேட சொற்பொழிவை அஷ்-ஷைக் எம்.எச்.எம் யூசுப் முப்தி அவர்கள் நிகழ்தினார்கள்.

3. காதி நீதிபதிகள் மற்றும் விவாகப் பதிவாளர்களுடனான கலந்துரையாடலை ஜம்இய்யாவின் கௌரவ பொருளாளர் அஷ்-ஷைக் ஏ.எல்.எம் கலீல் அவர்களும் நிகழ்தினார்கள் .

மீண்டும் ஒன்று சேர்க்ப்பட்டதன் பின்னர் அ.இ.ஜ.உ பிரச்சாரக் குழுவின் செயலாளரும் கண்டி மாவட்ட ஜம்இய்யாவின் தலைவருமான
அஷ்-ஷைக் எச் உமர்தீன் ரஹ்மானி அவர்களின் சக வாழ்வு பற்றிய விஷேட உரையும் சமூகங்களுக்கிடையிலான கலந்துரையாடல் புத்தகங்களைப் பற்றிய அறிமுகமும் நடைபெற்றது.

இறுதியாக கண்டி மாவட்ட ஜம்இய்யாவின் கௌரவ செயவாளர் அஷ்-ஷைக் ஏ.எல் அப்துல் Gகப்fபார் தீனி அவர்களின் நன்றியுரையுடன் நிறைவு பெற்றது.

ஊடகப்பிரிவு 

அகில இலங்கை ஜம்இய்யத்துல ்உலமா

 

 

 

 

Leave a comment

Make sure you enter all the required information, indicated by an asterisk (*). HTML code is not allowed.