සමස්ත ලංකා ඉස්ලාම් ආගමික විද්වතුන්ගේ සභාවේ හිටපු සභාපති සහ මහලේකම් දිවංගත අෂ්-ෂෙයික්, එම්.එම්.ඒ. මුබාරක් (මාදනි) තුමාණන් විසින් රචිත ‘සෙරන්ඩිබ් කන්ඩ සාන්ඩ්රෝර්ගල්’ කෘතිය එළිදැක්වීමේ උත්සවය 2022.01.30 දින කොළඹ සාහිරා විද්‍යාලයේ ගෆූර් ශාලාවේදී පැවැත්විණි.
අෂ්-ෂෙයික්, අල්-කාරී, මුහම්මද් ෆහ්මි තුමාගේ කිරාඅත් පාරායනයෙන් ආරම්භ වූ මෙම අවස්ථාවට අප සභාවේ ගරු උපසභාපතිවරයෙකු වන අෂ්-ෂෙයික්, එච්. උමර්දීන් තුමා විසින් පිළිගැනීමේ කථාව සිදු කරන ලදී. මීළඟට සමස්ත ලංකා ඉස්ලාම් ආගමික විද්වතුන්ගේ සභාවේ කටයුතු පිළිබඳ පැහැදිලි කිරීමක් ගරු මහලේකම්, අෂ්-ෂෙයික්, එම්. අර්කම් නූරාමිත් තුමා විසින් ඉදිරිපත් කරන ලදී.
පසුව අෂ්-ෂෙයික්, අල්-උස්තාද්, එම්.එම්.ඒ. මුබාරක් (රහ්මතුල්ලාහි අලෙයිහි) තුමාණන්ගේ සේවාවන් හා චරිතාපදානය පිළිබඳ වීඩියෝවක් තිරයේ දර්ශනය වූ අතර, ඒ සමගම ගරු විධායක කමිටු සාමාජික අෂ්-ෂෙයික්, එස්.එල්. නවුෆර් තුමාණන් හස්රත් මුබාරක් (රහ්මතුල්ලාහි අලෙයිහි) තුමාණන්ගේ ජීවිතය පිළිබඳ සාරාංශයක් ලබා දුන්හ. ඉන් අනතුරුව ගරු ෆත්වා කමිටු සාමාජික අෂ්-ෂෙයික්, එම්.ඩී.එම්. සල්මාන් තුමා විසින් ග්‍රන්ථය හැඳින්වීම සිදු කරන ලදී.
අනතුරුව විශේෂ ආරාධිතයින්, ආලිම්වරුන් සහ පැමිණ සිටි සියලු දෙනා වෙත ග්‍රන්ථයේ පිටපත් බෙදා දෙන ලද අතර, අෂ්-ෂෙයික්, අල්-උස්තාද්, එම්.එම්.ඒ. මුබාරක් (රහ්මතුල්ලාහි අලෙයිහි) තුමාණන්ගේ පවුලට සමරු තිළිණයක් ද පිරිනැමීය.
ඉන් අනතුරුව අෂ්-ෂෙයික්, අල්-උස්තාද්, එම්.එම්.ඒ. මුබාරක් (රහ්මතුල්ලාහි අලෙයිහි) තුමා පිළිබඳව සිය අත්දැකීම අප සභාවේ සහකාර භාණ්ඩාගාරික ආචාර්ය අෂ්-ෂෙයික්, අස්වර් තුමා විසින් විස්තර කරන ලදී. පසුව මෙරට ආලිම්වරුන්ගේ දායකත්වය පිළිබඳ දේශනයක් අතිගරු සභාපති මුෆ්ති, එම්.අයි.එම්. රිස්වි මැති තුමා විසින් පවත්වන ලදී.
පසුව අෂ්-ෂෙයික්, අල්-උස්තාද්, එම්.එම්.ඒ. මුබාරක් (රහ්මතුල්ලාහි අලෙයිහි) තුමාණන්ගේ පුත් මුආද් මුබාරක් මැති තුමා තම පවුල වෙනුවෙන් අදහස් කිහිපයක් සහ කෘතඥතාව පළ කළ අතර අප සභාවේ ගරු භාණ්ඩාගාරික, අෂ්-ෂෙයික්, ඒ.එල්.එම්. කලීල් තුමා විසින් ස්තූති කථාව පවත්වන ලදී.
අවසානයේ ජාතික ගීය ගායනයත් සමග දහවල් 12.45 ට දුආ සලාවත් සමඟින් උත්සවය අවසන් විය.
මාධ්‍ය අංශය
සමස්ත ලංකා ඉස්ලාම් ආගමික විද්වතුන්ගේ සභාව
