යොමු අංකය: ACJU/NGS/2023/135
2023 මැයි මස 17 වෙනිදා
2023 මැයි මස 16 වන දින අමරපුර මහා නිකායේ මහනායක, අතිගෞරවාර්හ දොඩම්පහල චන්ද්‍රසිරි ස්වාමීන් වහන්සේ අපවත් වී වදාළ පුවත අප සැම සාතිශය කම්පාවට හා බලවත් ශෝකයට පත් කොට ඇත.
බුදුදහමට අනුව කිසිඳු වාර්ගික හෝ ආගමික භේදයකින් තොරව සියලු ශ්‍රී ලාංකිකයින්ගේ යහපත වෙනුවෙන් හා යහපත් බෞද්ධ ශ්‍රී ලාංකික සමාජයක් බිහි කිරීම වෙනුවෙන් නායකත්වය දෙමින් එහිමියන් ගෙන ගිය ප්‍රයත්නයේ අරමුණ වූයේ වාර්ගික හා ආගමික සමගිය තුළින් සාමය, සහෝදරත්වය හා සුහදත්වය සපිරි සෞභාග්‍යමත් මාතෘ භූමියක් නිර්මාණය කිරීමයි.
එහිමියන් වෙනුවෙන් කළ හැකි උත්තරීතර ගෞරවය හා උපහාරය වන්නේ උන්වහන්සේ දැඩි කැපවීමකින් සමාජගත කරන්නට වෙරදැරූ මෙම උත්තරීතර අරමුණු සාක්ෂාත් කර ගැනීමට සියලු ශ්‍රී ලාංකිකයින් අධිෂ්ඨාන පූර්වක ව කටයුතු කිරීම යන්න අපගේ නිහතමානී මතයයි.
ශ්‍රී ලංකාවාසී සියලු සහෝදර බෞද්ධ ජනයා වෙත ශ්‍රී ලාංකේය මුස්ලිම් ප්‍රජාවගේ හා සමස්ත ලංකා ජම්ඉයියතුල් උලමා සභාවේ බලවත් ශෝකය මෙමගින් දන්වා සිටින්නෙමු.
අෂ්–ෂෙයික් එම්. අර්කම් නූරාමිත්
මහලේකම්,
සමස්ත ලංකා ජම්ඉයියතුල් උලමා සභාව
