31.03.2026
1447.10.11
ශ්රී ලංකාවේ බලහත්කාරී ආදාහනයට ලක්වූවන් අනුස්මරණය කරන මෙම සංවේදී අවස්ථාවේදී, අප COVID-19 වසංගත කාලය තුළ සිදු වූ දැඩි අසාධාරණය ගැන ගැඹුරු ශෝකයෙන් යුතුව සිහිපත් කරමු. එම කාලය තුළ මියගිය අයගේ ගෞරවනීය භූමදානයක් සඳහා වූ මූලික අයිතිය අහිමි කරන ලදී.
අද අපි එක්ව සිටින්නේ, අවසන් ආගමික අයිතිවාසිකම් අහිමි වූ අයව සිහිපත් කිරීම සඳහා පමණක් නොව, ශ්රී ලංකාවේ සියලුම පුරවැසියන් සඳහා යුක්තිය, ගෞරවය සහ මූලික අයිතිවාසිකම් ආරක්ෂා කිරීම පිළිබඳ අපගේ එකමුතුවේ කැපවීම නැවත තහවුරු කිරීම සඳහාය. විවිධ සමාජයන්ට අයත් පවුල්වලට සිදු වූ වේදනාව අපි පිළිගනිමින්, මෙවැනි අසාධාරණය නැවත සිදු නොවීමට වග බලාගැනීමේ වැදගත්කම අවධාරණය කරමු.
මෙම අනුස්මරණෝත්සවය අතීතය ගැන පමණක් නොව, වර්තමානය සහ අනාගතය සඳහා අපගේ විචාරාත්මක හඬකි. එය, විපත්තිකාලවලදී සහ ඉන්පසුවද, කරුණාව, සියලු පැතිකඩ ආවරණය කිරීම සහ විවිධත්වයට ගරු කිරීමේ අවශ්යතාව මතක් කර දෙයි.
“ශ්රී ලංකාවේ බලහත්කාරී ලෙස ආදාහනයට ලක්වූවන්ගේ අනුස්මරණ ප්රකාශනය” මඟින්, ආගමික අයිතිවාසිකම් සහ මානව ගෞරවය අහිමි වූවන්ට යුක්තිය ලබා දීම සඳහා රජය විසින් පරීක්ෂණයක් සිදු කළ යුතු බව නැවතත් ඉල්ලා සිටී. ජාත්යන්තර මාර්ගෝපදේශ අනුව භූමදානයට අවසර තිබියදීත්, එය නොසලකා හැර ක්රියාත්මක කළ මෙම ප්රතිපත්තිය, විශේෂයෙන් ආදාහනය ඉස්ලාමයේ තහනම් බැවින්, මුස්ලිම් ප්රජාවට දැඩි වේදනාවක් ඇති කළේය.
ජාත්යන්තර සෞඛ්ය අධිකාරීන්ගේ පැහැදිලි උපදෙස් සහ වෛද්ය විශේෂඥයන්ගේ සහ සිවිල් සමාජයේ නැවත නැවත කළ ඉල්ලීම් නොසලකා, මෙම ප්රතිපත්තිය දිගටම ක්රියාත්මක වීම, පීඩාවට පත් පවුල්වල වේදනාව තවත් ගැඹුරු කළේය. එය ආගමික නිදහස උල්ලංඝනය කිරීමක් පමණක් නොව, ජාතික අර්බුදකාරී තත්ත්වයකදී සමාජය තුළ විශ්වාසය බිඳ දමා, බෙදීම් උග්ර කිරීමකි.
මෙම ප්රතිපත්තිය 2021 පෙබරවාරි මාසයේදී වෙනස් කරනු ලද අතර, 2024 ජූලි මාසයේදී නිල සමාවක් ඉදිරිපත් කෙරිණි. නමුත්, තම ආදරණීයයන්ගේ අවසන් කටයුතු සිදු කිරීමට හෝ ඔවුන්ගේ සොහොන්වල බැහැදැකීමට නොහැකි වූ පවුල්වල වේදනාව තවමත් තදින් පවතී. එම හේතුවෙන්, මෙම කම්පන සහගත තත්ත්වයෙන් සුවය ලැබීමට යුක්තිය සහ නිසි අර්ථවත් වූ වන්දියක් (reparation) ලබාදීම අත්යවශ්ය වේ.
අප ශ්රී ලංකා රජයෙන් පහත කරුණු ඉටු කර දෙන මෙන් කාරුණිකව ඉල්ලා සිටිමු:
❖ බලහත්කාරයෙන් ආදාහනය කිරීම සම්බන්ධයෙන් ස්වාධීන සහ විශ්වසනීය පරීක්ෂණයක් පවත්වා වගවීම සහතික කිරීම.
❖ මෙවැනි අයිතිවාසිකම් උල්ලංඝනයක් නැවත සිදු නොවන ලෙස අවශ්ය පියවර ගැනීම.
❖ මාර්තු 31 වන දින, බලහත්කාරී ආදාහනයට ලක්වූවන් සිහිපත් කරන ජාතික අනුස්මරණ දිනයක් ලෙස ප්රකාශයට පත් කිරීම.
❖ සියලු සමාජයන්ට ප්රවේශ විය හැකි, පීඩාවට ලක්වූවන්ගේ නාමයන් ඇතුළත් ජාතික සමරු ස්මාරකයක් පිහිටුවීම.
❖ සියලු ප්රජාවන්ට ප්රවේශ විය හැකි, අනුස්මරණයේ සහ සංහිඳියාවේ සංකේතයක් ලෙස වින්දිතයින්ගේ නාමයන් ඇතුළත් ජාතික ස්මාරකයක් ස්ථාපිත කිරීම.
මෙම අවස්ථාවේදී, සියලුම ශ්රී ලාංකිකයන්ගේ මූලික අයිතිවාසිකම්, ගෞරවය සහ යුක්තිය ආරක්ෂා කිරීම සඳහා අපගේ එකමුතුකම තහවුරු කරමින් අපි ප්රජාවක් ලෙස එක්ව නැගී සිටිමු.
එසේම, පීඩාවට පත් පවුල්වලට සහයෝගය ලබා දී යුක්තිය සඳහා හඬ නැගූ සියලු පුද්ගලයන්ට, සංවිධානවලට සහ ජාත්යන්තර ප්රජාවට අපගේ හදපිරි කෘතඥතාව පිරිනමමු.
අපි මෙම සංවත්සරය සලකුණු කරන අතරම, අනාගතය දෙස ද අරමුණක් සහ එකමුතුවක් සමඟ බලන්නෙමු. එළඹෙන 2027 මාර්තු 31 වන දින, ඊළඟ වාර්ෂික අනුස්මරණ උත්සවය, COVID-19 වින්දිතයින් සඳහා වෙන් කර ඇති ඔඩ්ඩමාවඩි විශේෂ සුසාන භූමියේදී පැවැත්වීමට නියමිත බව අපි නිවේදනය කරමු. එම ස්ථානයේ, බලහත්කාරී ආදාහනයට ලක්වූ සියලුම පීඩිතයන් සිහිපත් කරන ජාතික ස්මාරකයක් ඉදිකරන ලෙස ද අපි යෝජනා කරමු.
මෙම අනුස්මරණෝත්සවය, යුක්තිය රැකගැනීමට, ගෞරවය නැවත ස්ථාපනය කිරීමට සහ සියලු පාර්ශ්වයන් සඳහා කරුණාවන්ත හා ආවරණය කරන්නා වූ ශ්රී ලංකාවක් ගොඩනැගීමට අපගේ එකමුතුභාවය ශක්තිමත් කරනු ඇතැයි අපි විශ්වාස කරමු.
ප්රකාශයට එක්වූ සංවිධාන:
All Ceylon Jamiyyathul Ulama | National Shoora Council | Muslim Council of Sri Lanka | Sri Lanka Muslim Media forum | ACUMLYF | Salama Society | National Movement Against Forcible Cremation | COSLAM | Imam Shafi Center for Education and Development | Sri Lanka Jamathe Islami | Lawyers for Social Justice | YMMA | Islamic Centre | Centre for Islamic Studies | Association for Muslim Youth Seylan – Shabab | RPSL Consortium | Supreme Council of Sufi Thareeqas | Sri Lanka Muslim Civil Society Foundation | Council for Community Initiatives | MyBiZ
