සමස්ත ලංකා ජම්ඉයියතුල් උලමා සභාවේ ගරු සභාපති, මහලේකම්, භාණ්ඩාගාරික, විධායක කමිටු සාමාජිකයන් සහ කෘත්‍යාධිකාරී මණ්ඩලයේ ඊදුල් අල්හා සුබ පැතුම

ACJU/NGS/2024/345
2024.06.17 (1445.12.10)

අල්ලාහු අක්බර්! අල්ලාහු අක්බර්! අල්ලාහු අක්බර්!

සමස්ත ලංකා ජම්ඉයියතුල් උලමා සභාව සියලු ශ්‍රී ලාංකීය මුස්ලිම් ජනතාවට ඉතා ප්‍රීතිමත් ඊද් අල්-අල්හා හජ් උත්සවයක් උදා වේවා’යි ප්‍රාර්ථනා කරයි.

නබි ඉබ්රාහීම් (අලහිස් සලාම්) තුමාගේ සහ එතුමාගේ සිය බිරිඳ සහ දරුවාගේ (අලහිස් මස්සලාම්) කැපකිරීම් සිහිපත් කිරීම සඳහා මහා කාරුණික අල්ලාහ් මෙම උතුම් දිනය අපට දායාද කොට ඇත. සිය පවුලේ කැපකිරීම් සමස්ත මානව සමාජයට ම නොමැකෙන මහඟු ආදර්ශයකි.

කැපකිරීම් හා පරිත්‍යාගයන් තුළින් ජීවිතයේ සාර්ථකත්වය වෙත ළඟා විය හැකි බව ඉස්ලාමය මෙයින් උගන්වයි. මන්ද යත්, රටකට සෞභාග්‍යමත් අනාගතයක් ළඟා කර ගත හැක්කේ තනි තනි පුද්ගලයන්ගේ, පවුල්වල සහ සමාජයේ කැප කිරීම් තුළිනි.

මහා කාරුණික අල්ලාහ්ගේ අණ ඉටු කිරීමෙහිලා පසුබට නොවූ පියෙකු සහ දරුවෙකුගේ පරිත්‍යාගය හා කැපකිරීම් විදහා පාන “උල්හියියා” පිළිවෙත සහ අනෙකුත් යහ ක්‍රියාවන් මෙම උතුම් දිනදී ඉස්ලාමයට අනුකූල ව ඉටු කළ යුතුය.

මේ අතර, මෙම උතුම් දිනය තුළින් අපට උගන්වන්නා වූ, මහා කාරුණික අල්ලාහ්ගේ අණට සම්පූර්ණයෙන් යටත් වීම, අල්ලාහ් කෙරෙහි වූ ආදරය, කැපකිරීම, පරිත්‍යාගය, ඉවසීම, තවක්කුල් නැමැති බාරවීම, ආදර්ශමත් ලෙස දරුවන් හදාවඩා ගැනීම යනාදී උසස් ගුණාංග අප තුළ ඇතිකර ගනිමින් දෙලොවෙහි ම විමුක්තිය ලබා ගනිත්වා!

අප රටේ සහ ගෝලීය වශයෙන් සාමය සමගිය ස්ථාපිත වී, විපතට පත් සියලු ජනයාගේ තත්ත්වය යථා තත්ත්වයට පත් වේවා’යි සමස්ත ලංකා ජම්ඉයියතුල් උලමා සභාව ප්‍රාර්ථනා කරයි.

තක්බ්බලල්ලාහු මින්නා වමින්කුම්! ඊද් මුබාරක්!

 

මුෆ්ති එම්.අයි.එම්. රිස්වි
සභාපති
සමස්ත ලංකා ජම්ඉයියතුල් උලමා සභාව

 

අෂ්-ෂෙයික් එම්. අර්කම් නූරාමිත්
මහලේකම්
සමස්ත ලංකා ජම්ඉයියතුල් උලමා සභාව

Related Posts

ලෝක මුස්ලිම් ලීගය විසින් සංවිධානය කරන ලද ආසියානු ඉස්ලාම් ආගමික විද්වතුන්ගේ සමුළුවට සමස්ත ලංකා ජම්ඉයියතුල් උලමා සභාවේ සභාපති තුමා සහභාගී වී ‘විවිධත්වයේ එකමුතුකම’ මැයෙන් දේශනයක් ද පැවැත්වීය

Leave a Comment

ඔබගේ ඊමේල් ලිපිනය ප්‍රසිද්ධ කරන්නේ නැත. අත්‍යාවශ්‍යයය ක්ෂේත්‍ර සලකුණු කොට ඇත *